അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കൽപ്പറ്റ: വീട്ടിൽ സൂക്ഷിച്ച വിദേശ മദ്യവും നിരോധിത ഹാൻസുമായി 50 വയസുകാരൻ പിടിയിൽ. ചുണ്ടേൽ വെള്ളം കൊല്ലി മണൽപള്ളി വീട്ടിൽ ഖാലിദ് ആണ് പോലീസിന്റെ പിടിയിലായത്. ഇയാളുടെ വീടിനു ചേർന്നുള്ള ഷെഡിൽ നിന്നും 12.5 ലിറ്റർ വിദേശ മദ്യവും 598 പാക്കറ്റ് നിരോധിത പുകയില ഉൽപ്പന്നമായ ഹാൻസും പിടികൂടി.
വെള്ളിയാഴ്ച ഉച്ചയോടെ പൊലീസിന് ലഭിച്ച രഹസ്യ വിവരത്തെ തുടർന്ന് ഇയാളുടെപരിശോധന നടത്തിയപ്പോഴാണ് പിടിയിലായത്. ഇയാൾക്കെതിരെ എക്സൈസിൽ മൂന്ന് കേസുകളുണ്ട്. വൈത്തിരി പൊലീസ് ഇൻസ്പെക്ടർ എസ് എച്ച് ഒ സി ആർ അനിൽകുമാറിന്റെ നേതൃത്വത്തിൽ സബ്‌ ഇൻസ്പെക്ടർ അനൂപ്, എ എസ് ഐ അസ്മ, സീനിയർ സിവിൽ പൊലീസ് ഓഫീസർമാരായ ഷുക്കൂർ, നാസർ, സിവിൽ പൊലീസ് ഓഫീസർ രതിലാഷ് എന്നിവരടങ്ങുന്ന സംഘമാണ് പരിശോധന നടത്തിയത്.
