അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മലപ്പുറം: മലപ്പുറത്ത് പരിയാപുരം സെന്‍റ് മേരീസ് ഹയർ സെക്കൻഡറി സ്കൂളിലെ പ്ലസ് വൺ, പ്ലസ്‌ടു വിദ്യാർഥികൾ തമ്മിൽ ഏറ്റുമുട്ടി. ഇൻസ്റ്റഗ്രാമിൽ പോസ്റ്റ് ചെയ്ത ഫോട്ടോയെ ചൊല്ലി ആണ് തർക്കം ഉണ്ടായത്. വിദ്യാർഥികളുടെ അടിപിടിക്ക് പിന്നാലെ പെരിന്തൽമണ്ണ പൊലീസ് കേസെടുത്തു.
ഹയർ സെക്കൻഡറി വിദ്യാർഥികൾ തമ്മിലുണ്ടായ അടിപിടിയിൽ മൂന്നുപേർക്ക് പരിക്കേറ്റു. വ്യാഴാഴ്ച വൈകീട്ട് അങ്ങാടിപ്പുറം പരിയാപുരം സ്കൂളിന് മുന്നിലാണ് അടിപിടിയുണ്ടായത്. വിദ്യാർഥികൾ തമ്മിലുള്ള അടിപിടി കണ്ട് പിടിച്ചുമാറ്റാനെത്തിയ സമീപത്തെ വ്യാപാരിക്കും മർദനമേറ്റു. ഇദ്ദേഹത്തിന്‍റെ അടിവയറിന് ചവിട്ടേൽക്കുകയായിരുന്നു. ഇയാളും രണ്ട് വിദ്യാർത്ഥികളും പെരിന്തൽമണ്ണ സ്വകാര്യ ആശുപത്രിയിൽ ചികിത്സയിലാണ്. എട്ടോളം പേർ വന്ന് തങ്ങളെ അക്രമിക്കുകയായിരുന്നുവെന്നാണ് പരിക്കേറ്റ് ചികിത്സയിലുള്ള വിദ്യാർഥികൾ പറയുന്നത്.
