അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ജമ്മുകശ്‌മീരിലെ മുന്‍ ഗവര്‍ണര്‍ സത്യപാല്‍ മാലിക് (79) അന്തരിച്ചു. ഡല്‍ഹിയിലെ റാം മനോഹര്‍ ലോഹ്യ ആശുപത്രിയിലായിരുന്നു അന്ത്യം. ദീര്‍ഘകാലമായി അസുഖബാധിതനായി ചികിത്സയിലായിരുന്നു.
ജമ്മുകശ്‌മീര്‍ സംസ്ഥാനത്തിന്‍റെ അവസാന ഗവര്‍ണര്‍ ആയിരുന്നു മാലിക്. 2018 ഓഗസ്റ്റ് മുതല്‍ 219 ഒക്‌ടോബര്‍ വരെയാണ് അദ്ദേഹം ഈ സ്ഥാനത്ത് ഇരുന്നത്. 2019 ഓഗസ്റ്റ് അഞ്ചിനാണ് ജമ്മു കശ്‌മീരിന് പ്രത്യേക പദവി നല്‍കിയിരുന്ന ഭരണഘടനയുടെ അനുച്‌ഛേദം 370 റദ്ദാക്കുകയും ജമ്മുകശ്‌മീരിന്‍റെ സംസ്ഥാന പദവി ഇല്ലാതാകുകയും ചെയ്‌തോടെ ഗവര്‍ണര്‍ പദവിയും ഇല്ലാതായി. ജമ്മു കശ്‌മീരിന് സംസ്ഥാന പദവി നഷ്‌ടമായത് 2019 ഓഗസ്റ്റ് അഞ്ചിനാണ് സംസ്ഥാന പദവി ഇല്ലാതായത്. ഇന്ന് ഇതിന്‍റെ ആറാം വാര്‍ഷികമാണ്.
പിന്നീട് അദ്ദേഹം ഗോവയുടെ ഗവര്‍ണറായി നിയമിക്കപ്പെട്ടു. 2022 ഒക്‌ടോബര്‍ വരെ അദ്ദേഹം മേഘാലയയുടെ ഗവര്‍ണറായും പ്രവര്‍ത്തിച്ചു.
