അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കാഴ്ചയിലും രുചിയിലും വ്യത്യസ്തത പുലർത്തുന്ന മലബാർ സ്പെഷ്യൽ പലഹാരമാണ് കിളിക്കൂട്. ഈ സ്പെഷ്യൽ ഐറ്റം തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
- ഉരുളകിഴങ്ങ് – അര കിലോ
- ബീൻസ് – 100 ഗ്രാം
- പനീർ – 100 ഗ്രാം
- സവാള – അര കപ്പ്
- ഇഞ്ചി ചതച്ചത് – ഒരു സ്പൂൺ
- വെളുത്തുള്ളി ചതച്ചത് – ഒരു സ്പൂൺ
- കറിവേപ്പില – ഒരു തണ്ട്
- ഏലയ്ക്ക – 2 എണ്ണം
- ജീരകം – ഒരു സ്പൂൺ
- എണ്ണ – 3 സ്പൂൺ
- വറുക്കാൻ എണ്ണ – അര ലിറ്റർ
- മഞ്ഞൾ പൊടി – ഒരു സ്പൂൺ
- മുളക് പൊടി – ഒരു സ്പൂൺ
- കാശ്മീരി ചില്ലി – ഒരു സ്പൂൺ
- നാരങ്ങാ നീര് – അര സ്പൂൺ
- ഗരം മസാല – ഒരു സ്പൂൺ
- കുരുമുളക് പൊടി – ഒരു സ്പൂൺ
- മല്ലിയില – 3 സ്പൂൺ
- ഉപ്പ് – ആവശ്യത്തിന്
- കോൺ പൗഡർ – ഒരു സ്പൂൺ
- വെള്ളം – 4 സ്പൂൺ
- സേമിയ വറുത്തത് – ഒരു കപ്പ്
- മൈദ – കാൽ കപ്പ്
- വെള്ളം – ആവശ്യത്തിന്
തയ്യാറാക്കുന്ന വിധം
നന്നായി വേവിച്ച ഉരുളകിഴങ്ങ് തോലി കളഞ്ഞു കൈ കൊണ്ട് പൊടിച്ചു എടുക്കുക . ഒരു പാൻ വച്ച് ചൂടാകുമ്പോൾ അതിലേക്കു എണ്ണ ഒഴിച്ച് ചൂടാകുമ്പോൾ ജീരകം, ഇഞ്ചി, വെളുത്തുള്ളി ചതച്ചതും , സവാളയും ഏലക്കായും ചേർത്ത് നന്നായി വഴറ്റി എടുക്കാം. അതിലേക്കു മഞ്ഞൾ പൊടി , മുളക് പൊടി, കാശ്മീരി ചില്ലി , ഗരം മസാല എന്നിവ ചേർത്ത് വീണ്ടും നന്നായി വഴറ്റി എടുക്കുക. നാല് സ്പൂൺ വെള്ളം ഒഴിച്ച് മസാല നന്നായി കുഴഞ്ഞു കഴിഞ്ഞു അതിലേക്കു വേകിച്ചു ഉടച്ചു വച്ച ഉരുളക്കിഴങ്ങു ചേർക്കാം ഒപ്പം പനീർ കൂടെ ചേർത്ത് ഇളക്കി യോജിപ്പിക്കുക. ആവശ്യത്തിന് ഉപ്പും കുരുമുളക് പൊടിയും ചേർത്ത് നന്നായി പാനിൽ നിന്ന് വിട്ടു വരുന്ന വരെ ഇളക്കി യോജിപ്പിക്കുക . മല്ലിയിലയും ചേർത്ത് യോജിപ്പിക്കുക .തണുത്ത ശേഷം നാരങ്ങാ നീരും ചേർത്ത് കൈകൊണ്ട് കുഴച്ചു ചെറിയ ഉരുളകൾ ആക്കി എടുക്കുക . മറ്റൊരു പാത്രത്തിൽ മൈദയും വെള്ളവും നന്നായി ഇളക്കി യോജിപ്പിച്ചു വയ്ക്കുക , തയാറാക്കിയ ബോൾ മൈദയിൽ മുക്കി , സേമിയയിൽ നന്നായി കവർ ചെയ്തു നന്നായി തിളച്ച എണ്ണയിൽ ഇട്ടു വറുത്തു എടുക്കാവുന്നതാണ്.
STORY HIGHLIGHT : kilikkood
