അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ആലുവ: പെരിയാറിന് കുറുകെയുള്ള റെയിൽവേ മേൽപ്പാലത്തിൽ അറ്റകുറ്റപ്പണി നടക്കുന്നതിനാൽ ഇന്നത്തെ രണ്ട് ട്രെയിനുകൾ റദ്ദാക്കി. പാലക്കാട് എറണാകുളം സൗത്ത് മെമു(66609), എറണാകുളം സൗത്ത്-പാലക്കാട് മെമു(66610) എന്നിവയാണ് റദ്ദാക്കിയത്.
പാലം അറ്റകുറ്റപ്പണികൾ നടക്കുന്നതിനാൽ മൂന്ന് ട്രെയിനുകൾ വൈകിയോടും. ഇൻഡോർ – തിരുവനന്തപുരം നോർത്ത് എക്സ്പ്രസ് (22645), കണ്ണൂർ-ആലപ്പുഴ എക്സിക്യൂട്ടീവ് (16308 ), സിക്കന്ദറാബാദ് – തിരുവനന്തപുരം സെൻട്രൽ ശബരി (17230) എന്നീ ട്രെയിനുകളാണ് വൈകിയോടുന്നത്.
ഗുരുവായൂര്‍-ചെന്നൈ എഗ്‌മോര്‍ എക്സ്പ്രസ് (16128) ആറ്, എട്ട്, 10, 12, 15, 17, 19 തീയതികളില്‍ കോട്ടയം വഴി തിരിച്ചുവിടും. എറണാകുളം ജങ്ഷന്‍, ചേര്‍ത്തല, ആലപ്പുഴ സ്റ്റോപ്പുകള്‍ക്കു പകരമായി കോട്ടയം, ചെങ്ങന്നൂര്‍ എന്നിവിടങ്ങളില്‍ തീവണ്ടി നിര്‍ത്തും. ഒന്‍പതിന് വൈകീട്ട് 4.05-നു പുറപ്പെടേണ്ട തിരുവനന്തപുരം-മംഗലാപുരം വന്ദേഭാരത് എക്സ്പ്രസ് (20632) 4.50നാകും പുറപ്പെടുക. 10-ന് 4.15-നാകും വന്ദേഭാരത് പുറപ്പെടുകയെന്നും റെയില്‍വേ അറിയിച്ചു. അടുത്ത ഞായർവരെ അറ്റകുറ്റപ്പണി തുടരുമെന്ന് റെയിൽവേ അറിയിച്ചു.
