അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ചെമ്മീൻ ഇഷ്ടമില്ലാത്തവരായി ആരും തന്നെ കാണില്ല. സ്വാദിഷ്ടമായ ചെമ്മീൻ ഫ്രൈഡ് റൈസ് തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
- ചെമ്മീൻ
- കോൺസ്റ്റാർച്ച്
- മുളകുപൊടി
- കുരുമുളകുപൊടി
- ഉപ്പ്
- വെളുത്തുള്ളി
- ചോറ്
- മുട്ട
തയ്യാറാക്കുന്ന വിധം
ചെമ്മീൻ കഴുകി വൃത്തിയാക്കിയെടുക്കാം. ശേഷം അതിലേക്ക് അൽപ്പം കോൺസ്റ്റാർച്ചും, കുരുമുളകുപൊടിയും ആവശ്യത്തിന് ഉപ്പും ഒരു മുട്ടയുടെ വെള്ളയും ചേർത്തിളക്കി യോജിപ്പിക്കാം. പതിനഞ്ച് മിനിറ്റ് ഈ ചെമ്മീൻ മാറ്റി വയ്ക്കുക. ശേഷം ഒരു പാൻ അടുപ്പിൽ വച്ച് എണ്ണ ഒഴിച്ചു ചൂടാക്കി ചെമ്മീൻ എണ്ണയിൽ ചേർത്ത് വറുത്തെടുക്കുക. ഇനി അടി കട്ടിയുള്ള മറ്റൊരു പാത്രത്തിൽ എണ്ണ ഒഴിച്ചു ചൂടാക്കാം. അതിലേക്ക് രണ്ട് മുട്ടയും മാറ്റി വച്ചിരുന്ന മുട്ടയുടെ മഞ്ഞയും ഒഴിച്ചിളക്കുക. വറുത്തെടുത്ത ചെമ്മീൻ അതിലേക്കു ചേർക്കാം. എരിവിനനുസരിച്ച് മുളകുപൊടിയും, ആവശ്യത്തിന് ഉപ്പും, വെളുത്തുള്ളി ചതച്ചതും, കുരുമുളകുപൊടിയും ചേർത്ത് നന്നായി ഇളക്കി യോജിപ്പിക്കുക.വെന്തു വരുമ്പോൾ വേവിച്ചെടുത്ത ചോറ് ചേർത്തിളക്കാം. ആവശ്യമെങ്കിൽ കുറച്ച് സോയ സോസ് കൂടി ഒഴിച്ചു കൊടുക്കാം.
STORY HIGHLIGHT : prawns fried rice
