അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കൊല്ലം: തേവലക്കരയില്‍ മൂന്നാം ക്ലാസുകാരന്റെ കാല് രണ്ടാനച്ഛൻ ഇസ്തിരിപ്പെട്ടിക്ക് പൊള്ളിച്ചു. കൊല്ലം മൈനാഗപ്പള്ളിയിൽ ആണ് സംഭവം.
കുട്ടിയുടെ രണ്ടാനച്ഛനായ കൊച്ചനിയനെ തെക്കുംഭാഗം പോലീസ് കസ്റ്റഡിയിൽ എടുത്തു.
പൊള്ളല്‍ ഏറ്റ കുട്ടിയെ സി ഡബ്ലുസിയിലേക്ക് മാറ്റി. കുഞ്ഞിന്റെ അമ്മ വിദേശത്താണ് ജോലി ചെയ്യുന്നത്. ബുധനാഴ്ചയാണ് ഈ സംഭവം നടക്കുന്നത്. വീട്ടില്‍ കളിച്ചുകൊണ്ടിരിക്കുന്നതിനിടയില്‍ കുട്ടി വികൃതി കാണിച്ചതിനാണ് രണ്ടാനച്ഛന്റെ ക്രൂരത.കുട്ടിയുടെ സഹോദരന്‍ ടീച്ചറോട് വിവരം പറഞ്ഞതിനെ തുടര്‍ന്നാണ് സംഭവം പുറത്തറിയുന്നത്.
പെട്ടെന്നുണ്ടായ ദേഷ്യത്തിന് പുറത്താണ് അങ്ങനെ ചെയ്തതെന്നാണ് രണ്ടാനച്ഛന്‍ പൊലീസിനോട് പറഞ്ഞത്. എന്നാല്‍ പൊലീസ് ഇക്കാര്യം വിശ്വസിച്ചിട്ടില്ല. കുട്ടികള്‍ക്ക് മുമ്പ് ഇത്തരത്തില്‍ പരിക്കുകള്‍ സംഭവിച്ചിട്ടുണ്ടോ എന്ന കാര്യങ്ങള്‍ പരിശോധിച്ചു വരികയാണ് പൊലീസ്.
