അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ക്രീം ബൺ ഇഷ്ടമില്ലാത്തവരായി ആരും തന്നെ കാണില്ല. കുട്ടികൾക്കും മുതിർന്നവർക്കും പ്രിയമുള്ള ക്രീം ബൺ ബേക്കറിയിൽ കിട്ടുന്ന അതെ രുചിയിൽ എളുപ്പത്തിൽ തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
മൈദ – 2 കപ്പ്
പഞ്ചസാര – 5 ടേബിൾസ്പൂൺ
ഉപ്പ് – ½ ടീസ്പൂൺ
ചെറുചൂടുള്ള പാൽ – ¾ കപ്പ്
യീസ്റ്റ് – 1½ ടീസ്പൂൺ
വെണ്ണ – 6 ടേബിൾസ്പൂൺ
പൊടിച്ച പഞ്ചസാര – ½ കപ്പ്
വാനില എസ്സെൻസ് – ¼ ടീസ്പൂൺ
തയ്യാറാക്കുന്ന വിധം
ഒരു ഗ്ലാസിൽ ചെറുചൂടുള്ള പാൽ എടുത്ത് അതിലേക്കു യീസ്റ്റും 1 ടീസ്പൂൺ പഞ്ചസാരയും ചേർത്തു നന്നായി ഇളക്കി 10 മിനിറ്റ് യീസ്റ്റ് പൊങ്ങുവാനായി മാറ്റിവയ്ക്കുക. ഒരു പാത്രം എടുത്ത് മൈദ, പഞ്ചസാര, ഉപ്പ് എന്നിവ ചേർത്തു നന്നായി ഇളക്കി യോജിപ്പിക്കുക. ഇനി യീസ്റ്റ്-പാൽ മിശ്രിതം ഒഴിച്ച്, 4 മുതൽ 5 മിനിറ്റ് വരെ കുഴച്ച് മാവ് നന്നായി സോഫ്റ്റാക്കിയെടുക്കുക. ഇനി മാവ് വീർക്കാനായി 2 മണിക്കൂർ മാറ്റിവയ്ക്കുക. ശേഷം പൊങ്ങി വന്ന മാവ് തുല്യ വലുപ്പമുള്ള ഭാഗങ്ങളായി വിഭജിക്കുക. ഓരോ ഭാഗവും ഒരു ബോൾ ആകൃതിയിലാക്കി ഓരോന്നും നന്നായി ഉരുട്ടിയെടുക്കുക. ഉരുളകൾ നനഞ്ഞ തുണി കൊണ്ടു മൂടി 20 മിനിറ്റ് മാറ്റിവയ്ക്കുക. ഉരുളകളാക്കിയ മാവ് നല്ലതുപോലെ ചൂടായി കിടക്കുന്ന എണ്ണയിലിട്ട്, കുറഞ്ഞ ചൂടിൽ ഇരുവശവും മൊരിയുന്നതു വരെ തിരിച്ചും മറിച്ചും ഇട്ട് ഫ്രൈ ചെയ്യുക.
ബട്ടർ ക്രീം തയാറാക്കുന്നതിനായി ഒരു പാത്രത്തിൽ തണുപ്പില്ലാത്ത വെണ്ണ എടുത്ത് ബീറ്റ് ചെയ്ത് മൃദുവാക്കിയെടുക്കുക, ഇതിലേക്ക് പൊടിച്ച പഞ്ചസാര കുറേശ്ശെയായി ചേർത്ത് മീഡിയം സ്പീഡിൽ നന്നായി അടിച്ചെടുക്കുക, ¼ ടീസ്പൂൺ വാനില എസ്സെൻസ് കൂടി ചേർത്ത് അടിക്കുക. ബട്ടർ ക്രീം തയ്യാർ. ചൂടാറിയ ശേഷം ബൺ എടുത്ത് നെടുകെ മുറിച്ച് അതിൽ ബട്ടർ‌ക്രീം നന്നായി തേക്കുക.
STORY HIGHLIGHT : cream bun
