അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഡൽഹി ജയ്ത്പൂരിലെ ഹരിനഗറിൽ മതിൽ കുടിലുകൾക്ക് മുകളിലേക്ക് ഇടിഞ്ഞു വീണ് ഏഴ് മരണം. മരിച്ചവരിൽ മൂന്ന് പുരുഷന്മാരും രണ്ട് സ്ത്രീകളും കുട്ടികളും ഉൾപ്പെടും. എട്ടുപേരെ രക്ഷപ്പെടുത്തി. കനത്ത മഴയ്ക്ക് പിന്നാലെയാണ് മതിൽ ഇടിഞ്ഞുവീണത്. കനത്ത മഴയിൽ ഇടിഞ്ഞുവീണ മതിൽ ആളുകൾ താമസിച്ചിരുന്ന കുടിലിന് മുകളിലേക്ക് മറിഞ്ഞു വീണാണ് അപകടം ഉണ്ടായത്. അപകടത്തിൽ ചിലർ കുടിലുകൾക്കുള്ളിൽ കുടുങ്ങി കിടക്കുകയായിരുന്നു. ഇവരെ ആശുപത്രിയിലേക്ക് മാറ്റിയെങ്കിലും ചിലരുടെ ആരോഗ്യ നില ഗുരുതരമായതിനെ തുടർന്ന് മരണപ്പെടുകയായിരുന്നു.
