അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കറിവെച്ചും, വറുത്തും, പഴുപ്പിച്ചും ഒക്കെ പലതരത്തിലാണ് നമ്മള്‍ ചക്ക കഴിക്കുന്നത്. ചക്ക കഴിച്ച് ഇതിന്റെ കുരുവും പലവിധത്തില്‍ നമ്മള്‍ ഉപയോഗിക്കാറുണ്ട്. നിരവധി പോഷക ഗുണങ്ങൾ അടങ്ങിയിരിക്കുന്ന ചക്കക്കുരു കൊണ്ടൊരു കിടിലൻ കറി തയ്യാറാക്കിയാലോ.
ചേരുവകൾ
- ചക്കക്കുരു – 500 ഗ്രാം
- ഉള്ളി – 250 ഗ്രാം
- തേങ്ങാക്കൊത്ത് – 3 ടേബിൾസ്പൂൺ
- തക്കാളി – 1
- മുളകുപൊടി – 2 ടേബിൾസ്പൂൺ
- മല്ലിപ്പൊടി – 1ടേബിൾസ്പൂൺ
- മഞ്ഞൾപ്പൊടി – 1/2 ടീസ്പൂൺ
- ഗരം മസാല – 1 ടീസ്പൂൺ
- കുരുമുളക് പൊടി – 1 ടീസ്പൂൺ
- വെളിച്ചെണ്ണ – ആവശ്യത്തിന്
- ഉപ്പ് – ആവശ്യത്തിന്
- കറിവേപ്പില
- കടുക്
- വറ്റൽമുളക്
- ഉള്ളി
തയ്യാറാക്കുന്ന വിധം
ആദ്യം ഒരു ഫ്രൈയിങ് പാനിൽ വെളിച്ചെണ്ണ ഒഴിച്ച് തേങ്ങാക്കൊത്ത്, ഉള്ളി, ഇഞ്ചി, വെളുത്തുള്ളി, കറിവേപ്പില എന്നിവ ഇട്ട് നന്നായി വഴറ്റുക. വഴന്നു വരുമ്പോൾ മുളകുപൊടി, മല്ലിപ്പൊടി,മഞ്ഞൾപ്പൊടി എന്നിവ ചേർത്ത് നന്നായി മൂപ്പിക്കുക. ഇവ കുക്കറിലേക്ക് ആക്കി അതിലേക്ക് ചക്കക്കുരു, തക്കാളി അരിഞ്ഞത്, ആവശ്യത്തിന് വെള്ളവും ചേർത്ത് ഗരം മസാല, കുരുമുളക് പൊടി ആവശ്യത്തിന് ഉപ്പ് എന്നിവ ചേർത്ത് കുക്കറിൽ 2 വിസിൽ വരെ വേവിക്കുക. വെന്ത ശേഷം അല്പം എണ്ണ കടുക്, വറ്റൽമുളക്, ഉള്ളി, കറിവേപ്പില എന്നിവ ചേർത്ത് കടുക് താളിച്ചൊഴിക്കുക.
STORY HIGHLIGHT : chakkakuru curry
