അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തിരുവനന്തപുരം: കഴിഞ്ഞ രണ്ട് ദിവസമായി തിരുവനന്തപുരം ജില്ല ആതിഥേയത്വം വഹിച്ച സി ബി എസ് ഇ ക്ളസ്റ്റർ ഇലവൻ കബഡി ചാമ്പ്യൻഷിപ്പ് സമാപിച്ചു. അണ്ടർ 14 അണ്ടർ 17 അണ്ടർ 19 വിഭാഗങ്ങളിലായി ആൺ കുട്ടികൾക്കും പെൺകുട്ടികൾക്കമായി സംഘടിപ്പിച്ച മത്സരങ്ങളിൽ അണ്ടർ 14 വിഭാഗത്തിൽ ആൺകുട്ടികളുടെയും പെൺകുട്ടികളുടെയും മത്സരങ്ങളിൽ ഇടുക്കി ദേവമാതാ പബ്ലിക്ക് സ്കൂൾ ഒന്നാം സ്ഥാനം നേടി.
അണ്ടർ 17 മത്സര വിഭാഗങ്ങളിൽ എറണാകുളം എസ് ബി ഒ എ പബ്ലിക്ക് സ്കൂൾ ആൺകുട്ടികളുടെ വിഭാഗത്തിലും തേവയ്ക്കൽ വിദ്യോദയ സ്കൂൾ പെൺകുട്ടികളുടെ വിഭാഗത്തിലും ഒന്നാം സ്ഥാനം നേടിയെടുത്തു.19 വയസിന് താഴെയുള്ള കുട്ടികളുടെ വിഭാഗത്തിൽ കൊല്ലം എം എ എം മോ‍‍ഡൽ സീനിയർ സെക്കന്ററി സ്കൂൾ ആൺകുട്ടികളുടെ വിഭാഗത്തിലും തേവയ്ക്കൽ വിദ്യോദയ സ്കൂൾ പെൺകുട്ടികളുടെ വിഭാഗത്തിലും വിജയികളായി.
ചാമ്പ്യൻഷിപ്പിന്റെ സമാപന സമ്മേളനത്തിന്റെ ഉദ്ഘാടനവും വിജയികൾക്കുളള സമ്മാന വിതരണവും സ്പോർട്സ് അതോററ്റി ഓഫ് ഇന്ത്യയുടെ കബഡി മുൻ ചീഫ് കോച്ചും സംസ്ഥാന കായിക യുവജനക്ഷേമ വകുപ്പ് മുൻ അഡീഷണൽ ഡയറക്ടറുമായ എസ് നജുമുദിൻ നിർവ്വഹിച്ചു.
സി ബി എസ് ഇ ക്ക് വേണ്ടി തിരുവനന്തപുരം ജില്ല ആതിഥേയത്വം വഹിച്ച മത്സരങ്ങൾ മനാറുൽ ഹുദാ ട്രസ്റ്റിന് കീഴിൽ മണക്കാട് പ്രവർത്തിക്കുന്ന ദി ഓക്സ്ഫോർഡ് സ്കൂളിലാണ് സംഘടിപ്പിച്ചത്. ദി ഓക്സ്ഫോർഡ് സ്കൂൾ തന്നെയായിരുന്നു കഴിഞ്ഞ സി ബി എസ് ഇ ക്ലസ്റ്റർ ഇലവൻ ബാഡ്മിന്റൺ ചാമ്പ്യൻ ഷിപ്പിനും ഖോഖോ ചാമ്പ്യൻഷിപ്പിനും വേദിയായത്. സംസ്ഥാനത്തെ വിവിധ ജില്ലകളിലെ 13 സി ബി എസ് ഇ സ്കൂളുകളിൽ നിന്നുളള 350 ഓളം വിദ്യർത്ഥികളാണ് വിവിധ വിഭാഗങ്ങളിലായി രണ്ട് ദിവസം നീണ്ട് നിന്ന മത്സരങ്ങളിൽ പങ്കെടുത്തത്.
content highlight: CBSE
