അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കൊച്ചി: അമൃത വിശ്വവിദ്യാപീഠം കൊച്ചി ക്യാമ്പസിലെ വിവിധ കോഴ്സുകളിൽ ക്ലാസുകൾ ആരംഭിച്ചു. അമൃത കോളേജ് ഓഫ് നഴ്സിംഗ്, അമൃത സ്കൂൾ ഓഫ് ഫാർമസി, അമൃത സ്കൂൾ ഓഫ് നാനോ സയൻസ് ആൻഡ് മോളിക്യുലാർ മെഡിസിൻ, അമൃത സെൻറർ ഫോർ അലൈഡ് ഹെൽത്ത് സയൻസസ് എന്നിവയാണ് വിവിധ കോഴ്സുകളിലായി പ്രവേശനം നേടിയ ആയിരത്തിലേറെ വിദ്യാർഥികൾക്ക് വരവേൽപ്പൊരുക്കിയത്.
കൊച്ചി അമൃത ആശുപത്രിയിൽ സംഘടിപ്പിച്ച സ്വാഗതം 2025 എന്ന പരിപാടിയിൽ പങ്കെടുക്കാൻ രക്ഷിതാക്കൾക്കൊപ്പം ആണ് വിദ്യാർത്ഥികൾ എത്തിയത്. മാതാ അമൃതാനന്ദമയി മഠം ജനറൽ സെക്രട്ടറി സ്വാമി പൂർണ്ണാമൃതാനന്ദപുരി ചടങ്ങിൽ അനുഗ്രഹ പ്രഭാഷണം നടത്തി. ലുപ്പിൻ ഫാർമസ്യൂട്ടിക്കൽ ആർ& ഡി വിഭാഗം വൈസ് പ്രസിഡണ്ട് ഡോ. സജീവ് ചന്ദ്രൻ, ഐഐടി മദ്രാസ് ബയോടെക്നോളജി വിഭാഗം മേധാവി പ്രൊഫസർ ഗുഹൻ ജയരാമൻ തുടങ്ങിയവർ ചടങ്ങിൽ മുഖ്യാതിഥികളായി എത്തിയിരുന്നു.
അമൃത വിശ്വവിദ്യാപീഠം രജിസ്ട്രാർ പി അജിത് കുമാർ, അമൃത വിശ്വവിദ്യാപീഠം അസോസിയേറ്റ് പ്രോവോസ്റ്റ് ഡോ. ശാന്തകുമാർ വി നായർ, അമൃത സ്കൂൾ ഓഫ് മെഡിസിൻ പ്രിൻസിപ്പൽ ഡോ. ഗിരീഷ് കുമാർ കെപി, അമൃത സെൻറർ ഫോർ അലൈഡ് ഹെൽത്ത് സയൻസസ് ചീഫ് പ്രോഗ്രാം അഡ്മിനിസ്ട്രേറ്റർ പ്രൊഫ. എംവി തമ്പി, അമൃത കോളേജ് ഓഫ് നഴ്സിംഗ് പ്രിൻസിപ്പൽ പ്രൊഫ. കെടി മോളി, അമൃത സ്കൂൾ ഓഫ് ഫാർമസി പ്രിൻസിപ്പൽ ഡോ. സബിത എം എന്നിവർ വിദ്യാർത്ഥികളുമായി സംവദിച്ചു.
