അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഉച്ചയ്ക്ക് ഊണിന് ഒരു ബീഫ് വെറൈറ്റി ഉണ്ടാക്കിയാലോ? വളരെ എളുപ്പത്തിൽ രുചികരമായി തയ്യാറാക്കാവുന്ന ഒരു റെസിപ്പി. ഉള്ളി ചതച്ചിട്ട് ബീഫ് വരട്ടിയെടുക്കാം.
ആവശ്യമായ ചേരുവകള്‍
- ബീഫ് – 1കിലോ ചെറിയ ഉള്ളി ചതച്ചത് 1കപ്പ്
- വെളിച്ചെണ്ണ – 6 ടേബിള്‍ സ്പൂണ്‍
- മുളക്‌പൊടി – 3 ടേബിള്‍ സ്പൂണ്‍
- മല്ലിപ്പൊടി – 2 ടേബിള്‍ സ്പൂണ്‍
- മഞ്ഞള്‍പൊടി – അര ടേബിള്‍ സ്പൂണ്‍
- ഗരം മസാല – 1ടേബിള്‍ സ്പൂണ്‍
- കരുമുളക്‌പൊടി – അര ടേബിള്‍ സ്പൂണ്‍
- കടുക് – 1 അര ടേബിള്‍ സ്പൂണ്‍
- വറ്റല്‍ മുളക് – 6 എണ്ണം
- കറിവേപ്പില – 2 തണ്ട്
- ഉപ്പ് – ആവശ്യത്തിന്
തയാറാക്കുന്ന വിധം
ബീഫ്, ഉള്ളി, ഇഞ്ചി, വെളുത്തുള്ളി, പച്ചമുളക്, കറിവേപ്പില, മഞ്ഞള്‍പ്പൊടി, മുളക് പൊടി, മല്ലിപ്പൊടി, ഗരം മസാല പൊടി, കുരുമുളക് പൊടി, ഉപ്പ് എന്നിവ നന്നായി യോജിപ്പിക്കുക. ശേഷം ഇവ കുക്കറിലിട്ട് ആവശ്യത്തിന് വെള്ളമൊഴിച്ച് വേവിക്കുക. ഇത് നന്നായി വെന്തശേഷം ഒരു പാനില്‍ വെളിച്ചണ്ണ ഒഴിച്ച് അതിലേക്ക് കടുക്, വറ്റല്‍മുളക്, കറിവേപ്പില എന്നിവ താളിക്കുക. ഇതിലേക്ക് വേവിച്ച് വച്ചിരിക്കുന്ന ബീഫ് ചേര്‍ത്ത് നന്നായി ഇളക്കുക. ഇത് ഡ്രൈ ആയി വരുമ്പോള്‍ അല്‍പം എണ്ണ തൂവിയ ശേഷം സേര്‍വ് ചെയ്യാം.
