അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഐസ്‌ക്രീമും കുല്‍ഫിയും കഴിക്കാൻ ഇഷ്ടപ്പെടാത്തവരായി ആരും തന്നെ ഉണ്ടാകില്ല. അങ്ങനെ ഉള്ളവർക്ക് വേണ്ടിയാണ് ഈ റെസിപ്പി. കുങ്കുമപ്പൂവിട്ട മലായ് കുല്‍ഫി ഒന്നു തയ്യാറാക്കി നോക്കാം. രബ്രി കേസര്‍ മലായ് കുല്‍ഫി എന്നാണ് ഇത് അറിയപ്പെടുന്നത്. വീട്ടിലുണ്ടാക്കാന്‍ വളരെ എളുപ്പമാണിത്.
ചേരുവകൾ
പാല്‍ -ഒരുപാക്ക്
കശുവണ്ടിപ്പരിപ്പ് -അരക്കപ്പ്
ബദാം -അരക്കപ്പ്
പിസ്ത -അരക്കപ്പ്
മഖാന(താമരവിത്ത്) -അരക്കപ്പ്
പഞ്ചസാര- ഒരു കപ്പ്
കുങ്കുമപ്പൂവ് -അരക്കപ്പ്
തയ്യാറാക്കുന്ന വിധം
ഒരു പാത്രത്തില്‍ പാലെടുത്ത് ഒന്ന് തിളപ്പിക്കുക. പിന്നീട് തീ കുറച്ച് 10 മിനിറ്റ് നേരത്തേക്ക് പാല്‍ ഇളക്കിക്കൊണ്ടിരിക്കണം. മറ്റൊരു പാത്രത്തില്‍ അല്‍പം ചൂടുള്ള പാലെടുത്ത് അതില്‍ കുങ്കുമപ്പൂവ് കുതിര്‍ക്കാന്‍ വെക്കുക. കശുവണ്ടിപ്പരിപ്പ്, ബദാം, പിസ്ത, മഖാന എന്നിവ അരച്ചെടുത്ത് മാറ്റി വെക്കുക. കുങ്കുമപ്പൂവ് ചേര്‍ത്തപാല്‍ നേരത്തേ തിളപ്പിച്ചു വെച്ച പാലിലേക്ക് ഒഴിക്കുക. അതിലേക്ക് അരച്ചുവെച്ച ഡ്രൈഫ്രൂട്ട്സ് ഇട്ട് ഇളക്കുക. പാല്‍ കുറുകുന്നതുവരെ കാത്തിരിക്കുക. ഇനി തീ ഓഫാക്കി ഇത് തണുപ്പിക്കാന്‍ വെക്കാം. തണുപ്പിച്ച കുല്‍ഫി അച്ചുകളിലോ കോണിലോ ഒഴിച്ചുവെക്കുക. ഇവ രാത്രിമുഴുവനോ ആറേഴ് മണിക്കൂറോ ഫ്രീസറില്‍ വെച്ചശേഷം ഉപയോഗിക്കാം. അച്ചുകളില്‍നിന്ന് കുല്‍ഫി പൊട്ടാതെ പുറത്തെടുക്കാന്‍ അവ ഫ്രീസറില്‍നിന്ന് എടുത്ത് 5-10 മിനിറ്റ് നേരത്തേക്ക് വെള്ളത്തില്‍ വെക്കുക. കുല്‍ഫി ആവശ്യമെങ്കില്‍ റോസ് പെറ്റല്‍സോ പിസ്തയോ ഉപയോഗിച്ച് അലങ്കരിക്കാവുന്നതാണ്.
