അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മാഹി: ന്യൂ മാഹി ടൗണിൽ മരച്ചില്ലകൾ മുറിക്കുന്നതിനിടെ നീർകാക്കകൾ ചത്തു. സംഭവത്തിൽ വനംവകുപ്പ് കേസെടുത്തു. മൂന്ന് നീർകാക്കകൾ ചത്തു, മുട്ടകളും നശിച്ചു. വന്യജീവി സംരക്ഷണ നിയമം പ്രകാരമാണ് കേസ് എടുത്തത്.
മാഹി പാലത്തിന് സമീപമുളള ഒരു മരവും രണ്ട് മരങ്ങളുടെ ചില്ലകളുമാണ് വെട്ടിയത്. മരച്ചില്ലകൾ മുറിക്കുന്നതിനിടെ മരത്തിലുണ്ടായിരുന്ന കൂട്ടിലെ പക്ഷികളും പക്ഷിക്കുഞ്ഞുങ്ങളും ചത്തു. മുട്ടകളും നശിച്ചിരുന്നു. പരിക്കേറ്റ ഒരു പക്ഷികുഞ്ഞിനെ സന്നദ്ധപ്രവർത്തകർ ഏറ്റെടുത്തു.
പക്ഷികളുടെ പ്രജനനകാലം ഒഴിവാക്കി മാത്രമേ മരം മുറിക്കാവൂ എന്ന നിബന്ധനയുണ്ടായിരുന്നുവെന്നും ഇത് പാലിക്കാതെയാണ് ബന്ധപ്പെട്ടവർ മരംമുറിച്ചതെന്നും വനം വകുപ്പ് അധികൃതർ പറഞ്ഞു. എന്നാൽ അപകട ഭീഷണിയുള്ള മരങ്ങളുടെ ചില്ലകളാണ് മുറിച്ചുമാറ്റിയതെന്ന് ന്യൂമാഹി പഞ്ചായത്ത് വിശദീകരിച്ചു.
