അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ആലപ്പുഴ: ചേർത്തലയിൽ എട്ടാംക്ലാസുകാരൻ ക്ഷേത്ര കുളത്തിൽ മുങ്ങി മരിച്ചു. മംഗലശ്ശേരി അഭിജിത്ത് വിഷ്ണു (13) ആണ് മരിച്ചത്. കൂട്ടുകാർക്കൊപ്പം കുളിക്കാൻ പുതിയകാവ് ശാസ്താങ്കൽ ക്ഷേത്ര കുളത്തിൽ ഇറങ്ങിയപ്പോഴായിരുന്നു അപകടം ഉണ്ടായത്.
കണ്ടമംഗലം എച്ച്എസ്എസ് സ്കൂളിൽ എട്ടാം ക്ലാസ് വിദ്യാർത്ഥിയായ അഭിജിത്ത് എസ്പിസി കേഡറ്റ് ആണ്. സ്കൂളിലെ സ്വാതന്ത്ര്യദിന ആഘോഷം കഴിഞ്ഞ് വീട്ടിലെത്തിയ ശേഷം മൂന്നുകൂട്ടുകാർക്കൊപ്പം ക്ഷേത്ര കുളത്തിൽ എത്തിയപ്പോഴാണ് അപകടമുണ്ടായത്. പിതാവ്: വിഷ്ണുപ്രകാശ്, മാതാവ്: സൗമ്യ
