അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നീലഗിരി ഓവേലിയില്‍ ബൈക്ക് യാത്രക്കാരനെ പിന്തുടര്‍ന്ന് ആക്രമിച്ച് കാട്ടാന. എല്ലമല സ്വദേശി നൗഷാദിനെയാണ് ആറാട്ടുപാറയിലേക്കുള്ള റോഡില്‍വെച്ച് കാട്ടാന ആക്രമിച്ചത്. തേയിലത്തോട്ടത്തില്‍നിന്ന് റോഡിലിറങ്ങിയ കാട്ടാന ബൈക്കിന് പിറകെ ഓടി നൗഷാദിനെ ആക്രമിക്കുകയായിരുന്നു.
തകര്‍ന്നുകിടക്കുന്ന റോഡിലൂടെ ബൈക്ക് ഓടിക്കാൻ സാധിക്കാത്തതിനാൽ നൗഷാദ് ബൈക്ക് ഉപേക്ഷിച്ച് തൊട്ടടുത്തുണ്ടായിരുന്ന കൊല്ലിയിലേയ്ക്ക് എടുത്തു ചാടി രക്ഷപ്പെടുകയായിരുന്നു. ബഹളം കേട്ട് ഓടിയെത്തിയവര്‍ കാട്ടാനയെ തുരത്തി നൗഷാദിനെ രക്ഷപ്പെടുത്തി ആശുപത്രിയിലെത്തിച്ചു. നട്ടെല്ലിന് സാരമായ പരിക്കുപറ്റിയ നൗഷാദിനെ ഗൂഡല്ലൂര്‍ ജില്ലാ ഹെഡ്ക്വാട്ടേഴ്‌സ് ആശുപത്രിയിലേയ്ക്കും തുടര്‍ന്ന് പെരിന്തല്‍മണ്ണയിലെ ഇഎംഎസ് സ്മാരക ആശുപത്രിയിലേക്ക് മാറ്റി.
STORY HIGHLIGHT: man escapes from wild elephant attack
