രുചികരമായ ഒരു പച്ചമാങ്ങ ചമ്മന്തി ഉണ്ടെങ്കിൽ ചോറുണ്ണാൻ വേറെ കറികളൊന്നും വേണ്ട – Manga Chammanthi

മാങ്ങാ ചമ്മന്തി കൂട്ടി ചോറുണ്ട കാലം ആരും തന്നെ അത്ര പെട്ടെന്ന് മറക്കില്ല. രുചികരമായ മാങ്ങ ചമ്മന്തി തയ്യാറാക്കുന്നത് എങ്ങനെയാണെന്ന് നോക്കിയാലോ.

ചേരുവകൾ

മാങ്ങ –ഒന്ന്
പച്ചമുളക് – 5
തേങ്ങ – പകുതി ചിരവിയത്
ഇഞ്ചി -ചെറിയ കഷണം
ചുവന്നുള്ളി – 3 അല്ലി
വേപ്പില – 2 തണ്ട്
ഉപ്പ് – ആവശ്യത്തിന്

തയ്യാറാക്കുന്ന വിധം

മാങ്ങ നന്നായി വൃത്തിയാക്കി തൊലി ചെത്തി ചെറുതായി അരിയുക. ഇതിലേക്ക് ആവശ്യത്തിന് ഉപ്പ് ചേർത്ത് ഇഞ്ചിയും ചുവന്നുള്ളിയും പച്ചമുളകും യോജിപ്പിച്ച് ഇടിച്ചെടുത്ത ശേഷം തേങ്ങ ചേർത്ത് മയത്തില് അരച്ചെടുക്കുക. മാങ്ങ ചമ്മന്തി തയ്യാർ.

STORY HIGHLIGHT : Manga Chammanthi