അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇലക്ഷൻ കമ്മീഷനെ കൂട്ട് പിടിച്ച് കുറ്റകൃത്യത്തിൽ നിന്ന് രക്ഷപെടാമെന്ന് കേന്ദ്ര സഹമന്ത്രി സുരേഷ് ഗോപി കരുതേണ്ടെന്ന് കെപിസിസി രാഷ്ട്രീയകാര്യസമിതി അംഗവും മുൻ എംപിയുമായ ടി എൻ പ്രതാപൻ. ഒരു വ്യക്തിയും കുടുംബവും താമസസ്ഥലം മാറിപോകുമ്പോൾ വോട്ട് മാറ്റി ചേർത്തത് പോലെയല്ല സുരേഷ് ഗോപിയും കുടുംബവും തൃശൂരിൽ വോട്ട് ചേർത്തത്. കഴിഞ്ഞ രണ്ട് തെരഞ്ഞെടുപ്പിലും മത്സരിക്കുമ്പോൾ അദ്ദേഹത്തിന് തിരുവനന്തപുരത്ത് തന്നെയാണ് വോട്ട്. എന്നാൽ ഇത്തവണ 75000 ത്തോളം വ്യാജ വോട്ടുകൾ ചേർത്താനുള്ള ക്രിമിനൽ ഗൂഢാലോചനയിൽ സുരേഷ് ഗോപിയും കുടുംബവും പങ്കാളികളാവുകയായിരുന്നു എന്നും ടിഎൻ പ്രതാപൻ കുറ്റപ്പെടുത്തി.
തൃശൂരിലാണ് താമസിക്കുന്നതെങ്കിൽ ആ വിലാസത്തിൽ വരാനിരിക്കുന്ന കോർപറേഷൻ തിരഞ്ഞെടുപ്പിലേയ്ക്കുള്ള വോട്ടർ പട്ടികയിലും സുരേഷ് ഗോപിയുടേയും കുടുംബത്തിന്റേയും പേരുകൾ ഉണ്ടാകേണ്ടതായിരുന്നു.
എന്നാൽ തദ്ദേശതിരഞ്ഞെടുപ്പിൽ സുരേഷ് ഗോപിയുടേയും കുടുംബത്തിന്റേയും വോട്ട് തിരുവനന്തപുരത്താണ്. കേന്ദ്ര തെരഞ്ഞെടുപ്പ് കമ്മീഷൻ പറഞ്ഞത് പോലെ താമസസ്ഥലം മാറി സുരേഷ് ഗോപി വോട്ട് ചേർത്തതല്ല എന്ന് ഇതിൽ നിന്നും വ്യക്തമാണ്. താമസസ്ഥലം മാറാതെ കൃത്രിമ രേഖയുണ്ടാക്കി തൃശൂരിൽ വോട്ട് ചേർത്തുകയാണ് സുരേഷ് ഗോപി ചെയ്തത്. ഇക്കാര്യം പൊലിസ് അന്വേഷണത്തിൽ തെളിയും. ഈ ആരോപണത്തിനാണ് സുരേഷ് ഗോപി മറുപടി പറയേണ്ടത്. അതിന് പകരം സത്യം വിളിച്ച് പറയുന്നവരെ അപമാനിക്കാനാണ് സുരേഷ് ഗോപി ശ്രമിക്കുന്നത്. ഇത് സാംസ്‌കാരിക തലസ്ഥാനമായ തൃശൂരിന്റെ പാരമ്പര്യമുള്ള ഒരു ജനപ്രതിനിധിക്ക് ചേർന്നതല്ല. തൃശൂരിന്റെ പ്രതിനിധിയാകനുള്ള യോഗ്യതയില്ലെന്ന് ഈ പരാമർശത്തിലൂടെ തെളിയിക്കുകയാണ് സുരേഷ് ഗോപി ചെയ്തതെന്നും ടി എൻ പ്രതാപൻ വാർത്താകുറിപ്പിൽ പറഞ്ഞു.
STORY HIGHLIGHT : congress-leader-tn-prathapan-against-suresh-gopi-on-election-controvercy
