അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഭാര്യയുടെ വിവാഹേതര ബന്ധത്തിന്‍റെ പേരില്‍ യുവാവ് ജീവനൊടുക്കി. ഉത്തര്‍പ്രദേശിലെ ബുലന്ദ്ഷഹറിലെ ഹജ്‍രാത്പൂരിലാണ് സംഭവം. 29 കാരനായ സോഹിത് കുമാറിനെയാണ് കഴിഞ്ഞ ദിവസം ഫാനില്‍ തൂങ്ങിയ നിലയില്‍ കണ്ടെത്തിയത്. സംഭവത്തില്‍ ഭാര്യ തമന്ന (20)യ്ക്കും കാമുകനും എതിരെ ആത്മഹത്യ പ്രേരണ കുറ്റം ചുമത്തി പൊലീസ് കേസെടുത്തു.
തമന്നയുടെയും സോഹിതിന്റെയും പ്രണയ വിവാഹമായിരുന്നു. പഠനത്തിനായി ഡല്‍ഹിയിലേക്ക് പോയ തമന്ന കസിനുമായി അടുത്തതാണ് സോഹിത്തിന്റെ ആത്മഹത്യയ്ക്ക് കാരണം. മരണത്തിന് മുന്‍പ് കാര്യങ്ങള്‍ പറഞ്ഞുള്ള 15 മിനുട്ട് വിഡിയോ സോഹിത് സമൂഹ മാധ്യമങ്ങളില്‍ പങ്കുവച്ചിരുന്നു. ഇതില്‍ ഭാര്യയ്ക്ക് അവരുടെ കസിനുമായി ബന്ധമുണ്ടെന്ന് ആരോപിക്കുന്നുണ്ട്.
അവള്‍ സര്‍ക്കാര്‍ ജോലിക്ക് ആഗ്രഹിച്ചു. അതിനുവേണ്ടിയുള്ള എല്ലാ ചെലവുകളും ഞാൻ വഹിച്ചു. പഠനത്തിനായി ഡല്‍ഹിക്ക് അയച്ചു. പക്ഷെ അവള്‍ എന്നെ ചതിക്കുകയായിരുന്നു. അവളുടെ കസിനൊപ്പം ജീവിക്കാനായിരുന്നു അവൾ ആഗ്രഹിച്ചത്. അവര്‍ തമ്മില്‍ ലൈംഗിക ബന്ധമുണ്ടായിരുന്നു. ഇത് പിന്നീടാണ് ഞാൻ അറിയുന്നത്. അവൾ ആറുമാസം മുന്‍പാണ് ഡല്‍ഹിയിലേക്ക് പഠിക്കാന്‍ പോയത്. പിന്നീട് മടങ്ങി വന്നിട്ടില്ലെ’ എന്നാണ് വിഡിയോയില്‍ പറയുന്നത്.
ഭാര്യയും കാമുകനും തമ്മിലുള്ള ചാറ്റിന്‍റെ ദൃശ്യങ്ങളും സോഹിത് പങ്കുവച്ചു. വിവാഹബന്ധം വേര്‍പെടുത്തണമെന്നാവശ്യപ്പെട്ട് ഭാര്യയുടെ കുടുംബം ഭീഷണിപ്പെടുത്തുകയാണെന്നും ഒരു ദിവസം റോഡരികില്‍ വെച്ച് തോക്ക് ചൂണ്ടിയെന്നും മരിക്കുകയല്ലാതെ മറ്റു മാര്‍ഗമില്ലെന്നും സോഹിത് വിഡിയോയില്‍ പറഞ്ഞു.
