അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കണ്ണൂര്‍: കണ്ണൂര്‍ കുറ്റ്യാട്ടൂര്‍ ഉരുവച്ചാലിൽ യുവതിയെ പെട്രോള്‍ ഒഴിച്ച് തീകൊളുത്തി കൊല്ലാൻ ശ്രമിച്ചു. യുവതിയെ കൊല്ലാൻ ശ്രമിച്ച യുവാവിനും പൊള്ളലേറ്റു. പെരുവളത്തുപറമ്പ് കൂട്ടാവ് സ്വദേശി രജീഷാണ് ആക്രമണം നടത്തിയത്. ഗുരുതരമായി പൊള്ളലേറ്റ യുവതി ആശുപത്രിയിൽ ചികിത്സയിൽ ആണ്.
രജീഷ് വീട്ടിൽ അതിക്രമിച്ച് കയറിയ ശേഷം യുവതിയെ തീകൊളുത്തി കൊലപ്പെടുത്താൻ ശ്രമിക്കുകയായിരുന്നു. ഇന്ന് ഉച്ചയ്ക്ക് ശേഷമായിരുന്നു സംഭവം. ഇരുവരും തമ്മിൽ മുൻപരിചയമുണ്ട്. ആക്രമണത്തിനുള്ള കാരണം എന്താണെന്നത് സംബന്ധിച്ച് വ്യക്തത വന്നിട്ടില്ല.ഗുരുതരമായി പൊള്ളലേറ്റ യുവതിയെ പരിയാരം മെഡിക്കൽ കോളേജിലാണ് പ്രവേശിപ്പിച്ചിരിക്കുകയാണ്. രജീഷും ഇതേ ആശുപത്രിയിൽ ചികിത്സയിലുണ്ട്.
കണ്ണൂർ സിപിയുടെ നേതൃത്വത്തിലുള്ള പോലീസ് സംഘം സംഭവസ്ഥലത്തെത്തുകയും തെളിവെടുപ്പ് നടപടികൾ ആരംഭിക്കുകയും ചെയ്തു. യുവതിയുടെ വീടിനുള്ളിൽ കടന്ന ശേഷമാണ് രജീഷ് ആക്രമണം നടത്തിയത്. ബഹളം കേട്ട് നാട്ടുകാർ ഓടിയെത്തിയപ്പോഴാണ് പൊള്ളലേറ്റ നിലയിൽ ഇവരെ കണ്ടെത്തിയത്. സംഭവത്തിന്റെ കൂടുതൽ വിശദശാംശങ്ങൾ ലഭിച്ചിട്ടില്ലെന്നും. അന്വേഷണം ആരംഭിച്ചുവെന്നും പോലീസ് അറിയിച്ചു.
