അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കോഴിക്കോട്: കോഴിക്കോട് എളേറ്റിൽ വട്ടോളി പാലങ്ങാട് സ്വകാര്യ ബസ് മറിഞ്ഞു. അപകടത്തിൽ എട്ടു പേര്‍ വിദ്യാര്‍ത്ഥികൾ ഉൾപ്പടെ ഇരുപത് പേർക്ക് പരിക്കേറ്റു. ഇന്ന് വൈകിട്ടാണ് അപകടം ഉണ്ടായത്. പരിക്കേറ്റ പത്ത് പേരെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.
പരിക്കേറ്റ മറ്റുള്ളവരെ എളേറ്റിൽ വട്ടോളിയിലെ സ്വകാര്യ ആശുപത്രിയിലും പ്രവേശിപ്പിച്ചു. വൈകിട്ട് സ്കൂളിൽ നിന്ന് വീട്ടിലേക്ക് പോകുന്ന വിദ്യാര്‍ത്ഥികളടക്കമാണ് ബസിലുണ്ടായിരുന്നത്. ഫയർഫോഴ്സും നാട്ടുകാരും പൊലീസും ചേര്‍ന്നാണ് രക്ഷാപ്രവര്‍ത്തനം നടത്തിയത്. പെട്രോള്‍ പമ്പിന് സമീപത്തുവെച്ചാണ് അപകടമുണ്ടായത്. മറിഞ്ഞ ബസിനുമുകളിലായി വൈദ്യുതി ലൈനും കുടുങ്ങി. കെഎസ്ഇബി ജീവനക്കാരെത്തി ബസിൽ നിന്ന് വൈദ്യുതി ലൈൻ അടക്കം നീക്കം ചെയ്യുകയായിരുന്നു.
