അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സെപ്റ്റംബര്‍ 30 മുതല്‍ നവംബര്‍ 2 വരെ നടക്കുന്ന ഐസിസി വനിതാ ലോകകപ്പിനുള്ള ടീം മികച്ചതാണെന്ന് അവകാശപ്പെടുമ്പോഴും ഫോമിലുള്ള ചില താരങ്ങളെ ഒഴിവാക്കിയത് ബിസിസിഐക്കു നേരെ വിമര്‍ശനം ഉയരുന്നു. ഇന്ത്യയും ശ്രീലങ്കയും സംയുക്തമായി ആതിഥേയത്വം വഹിക്കുന്ന ഈ ടൂര്‍ണമെന്റാണിത്. സെമിെൈഫെനല്‍ ഉള്‍പ്പടെ പ്രധാന മത്സരങ്ങള്‍ തിരുവനന്തപുരം കാര്യവട്ടം സ്‌പോര്‍ട്‌സ് ഹബ്ബ് ഗ്രീന്‍ഫീല്‍ഡ് സ്റ്റേഡിയത്തിലാണ് നടക്കുന്നത്. പ്രധാന മത്സരങ്ങള്‍ എല്ലാം ഇന്ത്യയില്‍ നടക്കുന്നതിനാല്‍ ആരാധകരുടെ ആവേശം വാനോളം ഉയരുമെന്ന പ്രതീക്ഷയിലാണ് ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡും അതുപോലെ ഐസിസിയും.
എന്നാല്‍ ഇന്ത്യന്‍ ടീമിന്റെ തിരഞ്ഞെടുപ്പ് ഇപ്പോള്‍ വിവാദത്തിലായിരിക്കുകയാണ്. വനിതാ ലോകകപ്പിനുള്ള ടീമില്‍ ആക്രമണാത്മക ഓപ്പണര്‍ ഷഫാലി വര്‍മ്മയുടെ പേര് ഉള്‍പ്പെടുത്താത്തതുള്‍പ്പടെ പല നടപടികളിലും വിമര്‍ശനം ഉയരുകയാണ്. ഇന്ത്യയുടെ കന്നി ലോകകപ്പ് വിജയം മനസ്സില്‍ വെച്ചുകൊണ്ട് നീതു ഡേവിഡിന്റെ നേതൃത്വത്തിലുള്ള ബിസിസിഐ വനിതാ സെലക്ഷന്‍ കമ്മിറ്റി ടീമിനെ തിരഞ്ഞെടുക്കുന്നതില്‍ ഒരു റിസ്‌കും എടുത്തിട്ടില്ല. ഈ ലോകകപ്പിനുള്ള തയ്യാറെടുപ്പിനായി, ഇന്ത്യന്‍ ടീം സെപ്റ്റംബര്‍ 14 മുതല്‍ ഓസ്‌ട്രേലിയയ്‌ക്കെതിരെ മൂന്ന് മത്സരങ്ങളുള്ള ഏകദിന പരമ്പര കളിക്കും. ഈ പരമ്പരയ്ക്ക് മുമ്പ്, ടീമിന്റെ ഒരാഴ്ച നീണ്ടുനില്‍ക്കുന്ന പരിശീലന ക്യാമ്പ് വിശാഖപട്ടണത്ത് സംഘടിപ്പിക്കും. വിശാഖപട്ടണത്ത് ഈ ക്യാമ്പ് നടത്താനുള്ള കാരണം, ഇന്ത്യക്ക് ദക്ഷിണാഫ്രിക്കയ്ക്കും ഓസ്‌ട്രേലിയയ്ക്കുമെതിരെ രണ്ട് ലോകകപ്പ് മത്സരങ്ങള്‍ ഈ നഗരത്തില്‍ കളിക്കേണ്ടി വരുന്നതിനാലാണ്. വനിതാ ലോകകപ്പ് ടീമിനെ തിരഞ്ഞെടുക്കുമ്പോള്‍, ഷെഫാലി വര്‍മ്മയുടെ എക്‌സ്ഫാക്ടറിനേക്കാള്‍, സ്ഥിരതയാര്‍ന്ന പ്രകടനം കാഴ്ചവയ്ക്കുന്ന പ്രതീക റാവലിന് സെലക്ഷന്‍ കമ്മിറ്റി മുന്‍ഗണന നല്‍കി.
2024 ഒക്ടോബറിന് ശേഷം അന്താരാഷ്ട്ര ഏകദിന മത്സരങ്ങള്‍ കളിക്കാത്തതാണ് ഷെഫാലിയുടെ തിരഞ്ഞെടുപ്പിന് തടസ്സമായത്. ഷെഫാലിയെ സെലക്ഷന്‍ കമ്മിറ്റി ഒരു ബദല്‍ ഓപ്പണറായി പോലും തിരഞ്ഞെടുത്തില്ല. ഒരു ഓപ്പണറായി കളിക്കാനുള്ള വൈദഗ്ദ്ധ്യം യസ്തിക ഭാട്ടിയയ്ക്ക് ഉള്ളതിനാലും ആവശ്യമുള്ളപ്പോള്‍ വിക്കറ്റ് കീപ്പിംഗും ചെയ്യുന്നതിനാലുമാണ് ഈ സ്ഥാനം അവര്‍ക്ക് നല്‍കിയത്. ജൂണില്‍ ശ്രീലങ്കയ്‌ക്കെതിരായ ഏകദിന പരമ്പരയിലും ജൂലൈയില്‍ ഇംഗ്ലണ്ടിനെതിരായ ഏകദിന പരമ്പരയിലും ഷഫാലിയെ ഉള്‍പ്പെടുത്തിയിരുന്നില്ല, ഇത് ലോകകപ്പ് പദ്ധതികളുടെ ഭാഗമല്ലെന്ന് സൂചിപ്പിക്കുന്നു. ഇംഗ്ലണ്ടിനെതിരായ ടി20 പരമ്പരയിലെ പ്രകടനത്തില്‍ ഷഫാലി മതിപ്പുളവാക്കിയെങ്കിലും, ടീമില്‍ തുടര്‍ച്ച നിലനിര്‍ത്തുന്നതില്‍ സെലക്ടര്‍മാര്‍ വിശ്വസിച്ചു.
പ്രതീക അവസരം മുതലെടുത്തു
സ്മൃതി മന്ദാനയും ഷഫാലി വര്‍മ്മയും ഇന്ത്യന്‍ ടീമില്‍ വളരെ ജനപ്രിയരായിരുന്ന ഒരു കാലമുണ്ടായിരുന്നു. എന്നാല്‍ ഷെഫാലിയെ ടീമില്‍ നിന്ന് പുറത്താക്കിയതിന് ശേഷം അവസരം ലഭിച്ചപ്പോള്‍ പ്രതീക റാവല്‍ ഒരിക്കലും തിരിഞ്ഞു നോക്കിയില്ല. തന്റെ മികച്ച പ്രകടനത്തിലൂടെ, സെലക്ടര്‍മാര്‍ തന്നെ വിശ്വസിക്കാന്‍ അവര്‍ നിര്‍ബന്ധിതരായി. കഴിഞ്ഞ വര്‍ഷം ഇന്ത്യന്‍ ഏകദിന ടീമില്‍ എത്തിയ ശേഷം, പ്രതീക 14 ഇന്നിംഗ്‌സുകളില്‍ നിന്ന് 87.43 സ്‌െ്രെടക്ക് റേറ്റില്‍ 703 റണ്‍സ് നേടിയിട്ടുണ്ട്. ഇത് മാത്രമല്ല, മന്ദാനയുമൊത്തുള്ള ഈ 14 ഇന്നിംഗ്‌സുകളില്‍ 10 എണ്ണത്തിലും അദ്ദേഹം 50 ല്‍ കൂടുതല്‍ റണ്‍സ് ചേര്‍ത്തിട്ടുണ്ട്, അതില്‍ നാല് സെഞ്ച്വറി പങ്കാളിത്തങ്ങളും ഉള്‍പ്പെടുന്നു. പ്രതീകയ്ക്ക് പകരം ടീമില്‍ ഇടം നേടാന്‍ ഷഫാലിക്ക് അസാധാരണമായി മികച്ച പ്രകടനം കാഴ്ചവെക്കേണ്ടതായിരുന്നു. ആഭ്യന്തര ഏകദിന മത്സരങ്ങളില്‍ ഹരിയാനയ്ക്ക് വേണ്ടി കളിക്കുമ്പോള്‍ 75.28 ശരാശരിയില്‍ 527 റണ്‍സ് അവര്‍ നേടി. ഇതിനുപുറമെ, വനിതാ പ്രീമിയര്‍ ലീഗില്‍ 304 റണ്‍സും അവര്‍ നേടി. എന്നാല്‍ അന്താരാഷ്ട്ര തലത്തില്‍ ഏകദിന മത്സരങ്ങള്‍ കളിക്കാന്‍ അവസരം ലഭിക്കാത്തതിനാല്‍ അവര്‍ക്ക് തന്റെ അവകാശവാദം ശക്തിപ്പെടുത്താന്‍ കഴിഞ്ഞില്ല.
രേണുക താക്കൂര്‍ തിരിച്ചെത്തി
രേണുക താക്കൂറിന്റെ തിരിച്ചുവരവ് ഇന്ത്യന്‍ ടീമിന്റെ പേസ് ആക്രമണത്തിന് ഒരു മുതല്‍ക്കൂട്ടാകുമെന്ന് പ്രതീക്ഷിക്കുന്നു. ചീഫ് സെലക്ടര്‍ നീതു ഡേവിഡ് പറഞ്ഞു, ‘രേണുക ഞങ്ങള്‍ക്ക് വിലപ്പെട്ട ഒരു കളിക്കാരിയാണ്. അവര്‍ പരിക്കേറ്റു, ഇപ്പോള്‍ പൂര്‍ണ്ണമായും ആരോഗ്യവതിയായി ടീമിലേക്ക് തിരിച്ചെത്തിയിരിക്കുന്നു. ഇതൊരു പ്രധാനപ്പെട്ട ടൂര്‍ണമെന്റാണ്, അവര്‍ ഇതിന്റെ ഭാഗമാകുന്നതില്‍ ഞങ്ങള്‍ക്ക് സന്തോഷമുണ്ട്.’ കഴിഞ്ഞ ഡിസംബറില്‍ രേണുക താക്കൂറിന് സ്‌ട്രെസ് ഫ്രാക്ചര്‍ സംഭവിച്ചു. വനിതാ പ്രീമിയര്‍ ലീഗില്‍ അവര്‍ തിരിച്ചുവരവ് നടത്തിയെങ്കിലും കാര്യമായ പ്രകടനം കാഴ്ചവയ്ക്കാന്‍ കഴിഞ്ഞില്ല. ഇതുമൂലം അന്താരാഷ്ട്ര മത്സരങ്ങളില്‍ അവര്‍ പങ്കെടുത്തില്ല. ഇപ്പോള്‍ പൂര്‍ണ്ണ ഫോമിലേക്ക് തിരിച്ചെത്തിയ ശേഷം, ടീമില്‍ ഒരു പ്രധാന പങ്ക് വഹിക്കാന്‍ അവര്‍ തയ്യാറാണ്.
വാസ്തവത്തില്‍, രേണുകയുടെ അഭാവത്തില്‍, സയാലി സത്ഘരെ, സൈമ താക്കൂര്‍, ടിറ്റാസ് സാധു, കേശവി ഗൗതം തുടങ്ങിയ നിരവധി പേസ് ബൗളര്‍മാര്‍ക്ക് സെലക്ഷന്‍ കമ്മിറ്റി അവസരം നല്‍കി. എന്നാല്‍ ഒരു ബൗളര്‍ക്കും അവരുടെ സെലക്ഷനെ ഗൗരവമായി പരിഗണിക്കുന്ന രീതിയില്‍ പ്രകടനം നടത്താന്‍ കഴിഞ്ഞില്ല. അതുകൊണ്ടാണ് രേണുകയെ ടീമില്‍ ഉള്‍പ്പെടുത്തുന്നതാണ് നല്ലതെന്ന് സെലക്ഷന്‍ കമ്മിറ്റി കരുതിയത്.
ഇന്ത്യന്‍ ടീം ഹര്‍മന്‍പ്രീത് കൗര്‍ (ക്യാപ്റ്റന്‍), സ്മൃതി മന്ദാന, പ്രതീക റാവല്‍, ഹര്‍ലീന്‍ ഡിയോള്‍, ജെമീമ റോഡ്രിഗസ്, റിച്ച ഘോഷ്, യാസ്തിക ഭാട്ടിയ, രേണുക സിംഗ് താക്കൂര്‍, ദീപ്തി ശര്‍മ, സ്‌നേഹ റാണ, ശ്രീ ചരണി, രാധാ യാദവ്, അമന്‍ജോത് കൗര്‍, അരുന്ധതി ഗൗഡ് റെഡ്ഡി.
