അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മഹാരാഷ്ട്രയിലെ പാൽഘർ ജില്ലയിലെ താരാപൂർ-ബോയ്‌സർ വ്യാവസായിക മേഖലയിൽ വാതകചോർച്ച. MEDLEY എന്ന ഫാർമസ്യൂട്ടിക്കൽ കമ്പനിയിലാണ് വാതകചോർച്ച ഉണ്ടായത്. സംഭവത്തിൽ നാല് തൊഴിലാളികൾ മരിച്ചു. മുംബൈയിൽ നിന്ന് ഏകദേശം 130 കിലോമീറ്റർ അകലെയുള്ള ബോയ്‌സാറിലെ വ്യാവസായിക മേഖലയിൽ ഇന്ന് ഉച്ചകഴിഞ്ഞാണ് ദുരന്തം ഉണ്ടായത്.
തൊഴിലാളികളെ കൃത്യ സമയത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഫാർമസ്യൂട്ടിക്കൽ കമ്പനിയുടെ ഒരു യൂണിറ്റിൽ നിന്ന് നൈട്രജൻ വാതകം ചോർന്നതിനെ തുടർന്നാണ് അപകടം ഉണ്ടായത്. ആറ് പേരെ ആശുപത്രിയിൽ പ്രവേശിപ്പിച്ചതായി പിടിഐ റിപ്പോർട്ട് ചെയ്തു. രണ്ടുപേരുടെ നില ഗുരുതരമാണ്.
STORY HIGHLIGHT : Gas leak kills four workers in Tarapur-Boisar industrial area in Maharashtra
