അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബ്രേക്ഫാസ്റ്റിന് ഒരു ഹെൽത്തി ഇടിയപ്പം ആയാലോ? എന്നും തയ്യാറാക്കുന്ന ഇടിയപ്പത്തിൽ നിന്നും അല്പം വ്യത്യസ്ഥമായി തയ്യാറാക്കാവുന്ന ഒരു കിടിലൻ ഇടിയപ്പം. ഗോതമ്പുപ്പൊടി ഉപയോഗിച്ച് തയ്യാറാക്കാവുന്ന നല്ല സോഫ്റ്റ് ഇടിയപ്പം.
ആവശ്യമായ ചേരുവകൾ
- ഗോതമ്പ് പൊടി – ഒരു കപ്പ്
- തിളച്ച വെള്ളം – ആവശ്യത്തിന്
- ഉപ്പ് – ആവശ്യത്തിന്
- നെയ്യ് – 1 ടീസ്പൂൺ
- തേങ്ങ ചിരകിയത് – ഒരു കപ്പ്
തയ്യാറാക്കുന്ന വിധം
ഗോതമ്പ് പൊടി ചെറിയ തീയിൽ വറുത്തെടുക്കുകയോ ആവിയിൽ 10 മിനിറ്റ് വേവിക്കുകയോ ആണ് ആദ്യം ചെയ്യേണ്ടത്. ചൂടാറിയ ശേഷം ആവശ്യത്തിന് ഉപ്പ് ചേർത്ത് തിളച്ച വെള്ളം ഒഴിച്ചൊഴിച്ച് കുഴച്ചെടുക്കുക. ഇതിനിടെയിൽ അൽപം നെയ്യ് കൂടി ചേർത്താൽ ഇടിയപ്പം സോഫ്റ്റാകും. ഈ മാവ് സേവനാഴിയിൽ നിറച്ച് ഇഡ്ഡലി തട്ടിൽ ചുറ്റിച്ചെടുക്കുക. തേങ്ങ ചിരകിയത് കൂടി ചേർത്താൽ രുചിയേറും.
