അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.രാഹുൽ മാങ്കൂട്ടത്തിൽ എംഎൽഎക്കെതിരെ ഉയരുന്ന പീഡന ആരോപണങ്ങളിൽ രാജിവെച്ച അധ്യക്ഷനെതിരെ രൂക്ഷ വിമർശനവുമായി യൂത്ത് കോൺഗ്രസ് സംസ്ഥാന വൈസ് പ്രസിഡന്റ് അഡ്വ. വിഷ്ണു സുനിൽ രംഗത്ത്. വ്യക്തിയായാലും പ്രസ്ഥാനമായാലും തെറ്റുണ്ടെങ്കിൽ തിരുത്തണമെന്നും നിശബ്ദനായിരുന്നാൽ താൻ ആണല്ലാതാകുമെന്നും വിഷ്ണു പറയുന്നു. ഫേസ്ബുക്കിൽ പങ്കുവെച്ച കുറിപ്പിലാണ് വിഷ്ണു പ്രതികരിച്ചത്. കുറിപ്പിന് അവസാനം സീസറിൻ്റെ ഭാര്യ സംശയത്തിന് അതീത ആയിരിക്കണമെന്നും വിഷ്ണു വ്യക്തമാക്കി.
കുറിപ്പിന്റെ പൂർണരൂപം ഇങ്ങനെ..
എനിക്ക് രണ്ട് പെൺമക്കളാണ്.
പിന്നെ ഭാര്യയും അമ്മയും.
വീട്ടിൽ ഞാൻ മാത്രമേ ആണായുള്ളു.
നിശബ്ദനായിരുന്നാൽ ഞാൻ ആണല്ലാതാകും.
എത്രയോ സഹപ്രവർത്തകർമാർ
ഞങ്ങൾ ഒരുമിച്ച് പ്രവർത്തിക്കുന്നു.
അവർക്ക് ഞങ്ങളിൽ ഒരു വിശ്വാസമുണ്ട്.
അവർക്ക് മാത്രമല്ല, അവരുടെ രക്ഷിതാക്കൾക്കും.
നിശബ്ദനായിരുന്നാൽ
വിശ്വാസത്തിന്റെ സ്നേഹചങ്ങലകൾ
അർത്ഥശൂന്യമാകും.
ആനേകം പേരുടെ ചോര,
അനേകം പേരുടെ വിയർപ്പ്,
എത്രയോ പേരുടെ ജീവൻ.
നിശബ്ദനായിരുന്നാൽ പോർനിലകളിൽ-
പടർന്ന ചോരയിൽ വെള്ളം കലർത്തലാകും.
രക്തസാക്ഷിത്വങ്ങളുടെ കഴുത്തറുക്കലാകും.
പടയൊരുക്കമല്ല,
കുതികാൽവെട്ടല്ല,
ഒരു അച്ഛന്റെ ആശങ്കകൾ മാത്രം
വിശ്വാസത്തിന്റെ
സ്നേഹചങ്ങല തകരരുതെന്ന
പ്രാർത്ഥന മാത്രം.
സീസറിൻ്റെ ഭാര്യ സംശയത്തിന് അതീത ആയിരിക്കണം.
തെറ്റുണ്ടെങ്കിൽ തിരുത്തണം
അത് വ്യക്തിയായാലും
പ്രസ്ഥാനമായാലും.
അഡ്വ.വിഷ്ണു സുനിൽ
#YouthCongressKerala
content highlight: Rahul Mamkotttahil MLA
