അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കേൾക്കുമ്പോൾ നിസ്സാരമെന്നു തോന്നുമെങ്കിലും അനുഭവിക്കുന്നവരെ ശാരീരികമായും മാനസികമായും ബുദ്ധിമുട്ടിക്കുന്ന പ്രശ്നമാണ് മലബന്ധം. മലബന്ധം ഒരു രോഗമല്ല മറിച്ച് പല രോഗങ്ങളുടെയും ലക്ഷണമാണെന്ന് നമ്മൾ അറിഞ്ഞിരിക്കേണ്ടതുണ്ട്. പല കാരണങ്ങൾ കൊണ്ടാണ് മലബന്ധം ഉണ്ടാകുന്നത്.
വെള്ളം കുടികാത്തിരിക്കുക, നാരുകൾ അടങ്ങിയ ഭക്ഷണങ്ങൾ ആഹാരക്രമത്തിൽ ഉൾപ്പെടുത്താതിരിക്കുക, വ്യായാമം ചെയ്യാതിരിക്കുക എണ്ണയില്‍ പൊരിച്ചതും വറുത്തതുമായ ഭക്ഷണങ്ങളുടെ അമിത ഉപയോഗം, പ്രഭാതഭക്ഷണം ഒഴിവാക്കുക, ഉദാസീനമായ ജീവിതശൈലി, വ്യായാമക്കുറവ്, സ്ട്രെസ് തുടങ്ങിയ പല കാര്യങ്ങൾ കൊണ്ടും മലബന്ധം ഉണ്ടാകാം. നമ്മുടെ ആഹാരക്രമത്തിലും ജീവിത രീതിയിലും മാറ്റങ്ങൾ കൊണ്ടുവന്നാൽ തന്നെ ഈ പ്രശ്‌നത്തിന് പരിഹാരമുണ്ടാകും.
മലബന്ധം അകറ്റാന്‍ കഴിക്കേണ്ടത്
പപ്പായയിലും വാഴപ്പഴത്തിലും നാരുകള്‍ അടങ്ങിയിരിക്കുന്നു. ഇവ ദഹനം മെച്ചപ്പെടുത്താനും മലബന്ധം അകറ്റാനും കുടലിന്‍റെ ആരോഗ്യം സംരക്ഷിക്കാനും സഹായിക്കും. ഉയർന്ന നാരുകളും ആന്റി-ഇൻഫ്ലമേറ്ററി ഗുണങ്ങളും അടങ്ങിയ ചിയ വിത്തുകൾ കുതിര്‍ത്ത് കഴിക്കുന്നത്മലബന്ധത്തെ അകറ്റാനും ദഹനം മെച്ചപ്പെടുത്താനും സഹായിക്കും.
ചായയോ കാപ്പിയോ കുടിക്കുന്നതിനു മുമ്പ് ചെറുനാരങ്ങ ചേർത്ത ഒരു ഗ്ലാസ് ചൂടുവെള്ളം കുടിച്ചുകൊണ്ട് നിങ്ങളുടെ ദിവസം ആരംഭിക്കുക. ഇത് ദഹനത്തെ മെച്ചപ്പെടുത്തുകയും മലവിസർജ്ജനം പ്രോത്സാഹിപ്പിക്കുകയും ചെയ്യും.
ചൂടുള്ള പാലിൽ ഒരു ടീസ്പൂൺ നെയ്യ് കലർത്തി കുടിക്കുന്നത് മലബന്ധം അകറ്റാനും ദഹനം എളുപ്പമാക്കാനും സഹായിക്കും. നാരുകൾ ധാരാളം അടങ്ങിയ ഉണക്കമുന്തിരി അല്ലെങ്കിൽ അത്തിപ്പഴം കുതിര്‍ത്തത് രാവിലെ കഴിക്കുന്നത് മലബന്ധത്തെ പെട്ടെന്ന് അകറ്റാന്‍ സഹായിക്കും.
നാരുകളാല്‍ സമ്പന്നമായ പ്രൂൺസ് രാവിലെ കഴിക്കുന്നതും മലബന്ധത്തെ അകറ്റാനും ദഹനം മെച്ചപ്പെടുത്താനും സഹായിക്കും.
