അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇന്ത്യയിൽ വരാനിരിക്കുന്ന ബസാൾട്ട് എക്സ് ശ്രേണിയുടെ പ്രീ-ബുക്കിംഗ് ആരംഭിച്ചതായി സിട്രോൺ ഇന്ത്യ അറിയിച്ചു. കമ്പനിയുടെ ഡീലർഷിപ്പുകൾ വഴിയോ ഔദ്യോഗിക വെബ്‌സൈറ്റ് വഴിയോ ഇത് ബുക്ക് ചെയ്യാം.
പുതിയ ബസാൾട്ട് എക്സ് ശ്രേണിയിൽ നിരവധി സ്മാർട്ട് സവിശേഷതകളും അപ്‌ഡേറ്റുകളും ഉണ്ടായിരിക്കുമെന്നും ഇത് ഡ്രൈവിംഗ് മുമ്പത്തേക്കാൾ സുഖകരവും സൗകര്യപ്രദവുമാക്കുമെന്നും കമ്പനി പറയുന്നു.
‘സിട്രോൺ 2.0-ഷിഫ്റ്റ് ഇൻ ടു ദി ന്യൂ’ എന്ന തന്ത്രത്തിന്റെ ഒരു പ്രധാന ഭാഗമായിട്ടാണ് കമ്പനി ബസാൾട്ട് എക്സ് അവതരിപ്പിക്കുന്നത്. പുതിയ ബസാൾട്ട് എക്സ് ശ്രേണിയിൽ നിരവധി സ്മാർട്ട് ഫീച്ചർ അപ്‌ഗ്രേഡുകൾ, പുതുക്കിയ ഇന്റീരിയറുകൾ, നൂതന സാങ്കേതികവിദ്യ എന്നിവ ഉൾപ്പെടും.
നിലവിലുള്ള മോഡലിനേക്കാൾ കൂടുതൽ പ്രീമിയം അനുഭവം നൽകുന്നതിനായി പുതുക്കിയ ഇന്‍റീരിയറുകളും പുതിയ സവിശേഷതകളും ഇതിൽ ചേർത്തിട്ടുണ്ടെന്ന് പ്രീ-ലോഞ്ച് ഇമേജ് വ്യക്തമാക്കുന്നു.
അതേസമയം ഇതിലൂടെ മിഡ്-സൈസ് എസ്‌യുവി, ക്രോസ്ഓവർ വിഭാഗത്തിൽ തങ്ങളുടെ സാന്നിധ്യം ഉറപ്പിക്കാൻ ശ്രമിക്കുകയാണ് സിട്രോൺ. വരും ദിവസങ്ങളിൽ ഈ മോഡലിന്‍റെ വകഭേദങ്ങൾ, ഫീച്ചറുകൾ, വില എന്നിവയെക്കുറിച്ചുള്ള പൂർണ്ണ വിവരങ്ങൾ കമ്പനി നൽകും.
