അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഒട്ടനവധി തരം മദ്യങ്ങള്‍ ഇന്നു വിപണികളില്‍ ലഭ്യമാണ്. ഉപയോഗിക്കുന്ന സാധാനങ്ങള്‍, ഡിസ്ലറി പ്രോസസ് എന്നിവ മദ്യങ്ങളുടെ നിര്‍മ്മാണത്തെ സ്വാധീനിക്കുന്നു.
ചില മദ്യങ്ങള്‍ക്ക് എക്‌സ്പയറിയും ഉണ്ടെന്നതാണ് സത്യം. ഇവ പഴകുന്തോറും അവയുടെ രുചിയും മണവും വഷളാകുന്നു. കാലക്രമേണ അവയുടെ രുചി കുറയുന്നു. വര്‍ഷങ്ങള്‍ പഴക്കമുള്ള മദ്യം കുടിക്കാന്‍ ആഗ്രഹിക്കുന്നവരുണ്ട്. എന്നാല്‍ ഇവിടെ അതിന്റെ ഷെല്‍ഫ് ലൈഫ് വളരെ പ്രധാനമാണ്. ഇവ എവിടെ സൂക്ഷിക്കുന്നു, അതിന്റെ താപനില, ഓക്‌സിഡേഷന്‍, സംഭരണം എല്ലാം പ്രധാനം തന്നെ.
ബിയര്‍
ഏറ്റവും കൂടുതല്‍ ഉപയോഗിക്കപ്പെടുന്ന സാധാരണമായ മദ്യ ഇനങ്ങളില്‍ ഒന്നാണ് ബിയര്‍. ഇതിന് എക്‌സ്പയറി ഉണ്ട്. ഇവ ഒരിക്കല്‍ തുറന്നു കഴിഞ്ഞാല്‍ ഒന്നോ രണ്ടോ ദിവസത്തിനുള്ളില്‍ ഉപയോഗിക്കേണ്ടതുണ്ട്. വായുവിലെ ഓക്‌സിജന്‍ ബിയറുമായി പ്രതിപ്രവര്‍ത്തിക്കുന്നുവെന്നതാണ് കാരണം. ഇത് അതിന്റെ രുചി നശിപ്പിക്കും. ബിയര്‍ കൂടുതല്‍ വെളിച്ചത്ത് ഉപയോഗിക്കാന്‍ പാടില്ല. രുചിയും മണവും നിലനിര്‍ത്താന്‍ എപ്പോഴും തണുത്തതും, ഇരുണ്ടതുമായ സ്ഥലത്ത് സൂക്ഷിക്കേണ്ടതുണ്ട്.
വിസ്‌കി
കാലപഴക്കം ബാധിക്കാത്ത മദ്യങ്ങളില്‍ ഒന്ന്. പക്ഷെ കുപ്പി തുറന്നാലുടന്‍ ഓക്‌സീകരണം സംഭവിക്കും. ഇത് രുചിയേയും മണത്തെയും ബാധിക്കും. വിസ്‌കി കുപ്പിയിലാക്കുന്ന താപനിലയും, വെളിച്ചവും വളരെ പ്രധാനമാണ്. വായുസഞ്ചാരം വളരെ കുറവും, ഇരുണ്ടതും തണുത്തതുമായ സ്ഥലത്ത് വിസ്‌കി സൂക്ഷിക്കണം. വിസ്‌കി കുപ്പി ഏപ്പോഴും നിവര്‍ത്തി സൂക്ഷിക്കണം. കാരണം വീര്യമേറിയ മദ്യം തിരശ്ചീനമായി സൂക്ഷിച്ചാല്‍ കുപ്പിയുടെ കോര്‍ക്ക് നേര്‍ത്തതാക്കും. ഇത് ഓക്‌സിഡേഷന്‍ പ്രക്രിയയെ വേഗത്തിലാക്കും.
ടെക്വില
വളരെ വിലപിടിപ്പുള്ള മദ്യ ഇനങ്ങളില്‍ ഒന്നാണ്. കുപ്പി തുറന്നാല്‍ വളരെ വേഗത്തില്‍ കേടാകും. തുറന്നിരിക്കുന്തോറും അവയുടെ ശക്തിയും മണവും കുറയും.
റം
ദീര്‍ഘകാല ഷെല്‍ഫ് ലൈഫ് വളരെ ചുരുക്കം മദ്യങ്ങളില്‍ ഒന്ന്. എന്നാല്‍ സീല്‍ പൊട്ടിച്ചു കഴിഞ്ഞാല്‍ കാര്യം മാറും. ഓകിസിഡൈസേഷന്‍ അതിന്റെ ശക്തിയും രുചിയും കുറയും. സ്‌ക്രൂ ചെയ്യാവുന്ന മികച്ചൊരു അടപ്പ് വഴി ഓക്‌സിഡൈസേഷന്‍ വേഗം കുറയ്ക്കാന്‍ സാധിക്കും. ഇത്തരം കേസില്‍ ഇവ 6 മാസം വരെ മികച്ച രീതിയില്‍ ഉപയോഗിക്കാം.
വോഡ്ക
കുപ്പി തുറന്ന ശേഷവും വളരെക്കാലം സൂക്ഷിക്കാന്‍ കഴിയുന്ന ആല്‍ക്കഹോളുകളില്‍ ഒന്ന്. ഓക്‌സീകരണ പ്രക്രിയ മന്ദഗതിയിലാണ്. പലപ്പോഴും പതിറ്റാണ്ടുകള്‍ എടുക്കാം. എന്നാല്‍ ഒരു ദശാബ്ദത്തിനുശേഷം ഇവയുടെ രുചിയും മണവും നഷ്ടപ്പെടും. തുറന്ന വോഡ്ക കുപ്പി സൂക്ഷിക്കാന്‍ സ്‌ക്രൂ-ടോപ്പ് ഉപയോഗിക്കണം. തണുത്തതും ഇരുണ്ടതുമായ സ്ഥലത്ത് സൂക്ഷിക്കണം. സൂര്യപ്രകാശത്തില്‍ നിന്ന് പരമാവധി അകറ്റി സൂക്ഷിക്കണം.
