അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മിനിസ്‌ക്രീന്‍ പ്രേക്ഷകരുടെ ഇഷ്ടതാരമായിരുന്നു നടന്‍ ശ്രീകുമാര്‍. അടുത്തിടെ
ശ്രീകുമാറിനെതിരായി ഒരു നടി കൊടുത്ത പരാതിയെക്കുറിച്ച് ശ്രീകുമാറിന്റെ ഭാര്യയും നടിയുമായ സ്‌നേഹ പല തവണ പ്രതികരിച്ചിരുന്നു. ഇപ്പോഴിതാ ഇക്കാര്യത്തില്‍ വീണ്ടുമൊരു വിശദീകരണവുമായി എത്തിയിരിക്കുകയാണ് സ്‌നേഹ. മൈല്‍സ്റ്റോണ്‍ മേക്കേഴ്‌സിനു നല്‍കിയ അഭിമുഖത്തിലായിരുന്നു നടിയുടെ പ്രതികരണം.
സ്‌നേഹയുടെ വാക്കുകള്‍……
”ഈ കേസുമായി ബന്ധപ്പെട്ട കാര്യങ്ങളിലല്ലാതെ ഏതെങ്കിലും വിധത്തിലുള്ള നെഗറ്റീവ് കമന്റുകളോ സൈബര്‍ അറ്റാക്കോ ഒന്നും എനിക്ക് നേരിടേണ്ടി വന്നിട്ടില്ല. ഞാന്‍ അങ്ങനെ സോഷ്യല്‍ മീഡിയയില്‍ വരുന്ന കമന്റുകള്‍ വായിക്കുന്ന ആളൊന്നും അല്ല. എന്റെ സുഹൃത്തുക്കള്‍ ചിലതൊക്കെ അയച്ചു തരാറുണ്ട്. മറുപടി പറയണം എന്ന് എനിക്ക് തോന്നിയിടത്ത് ഒക്കെ ഞാന്‍ പറഞ്ഞിട്ടുണ്ട്. എനിക്ക് അറിയാത്ത ആരൊക്കെയോ എവിടെയൊക്കെയോ ഇരുന്നിട്ട് കമന്റിടുന്നത് എന്നെ ബാധിക്കില്ല. അതിനേക്കാള്‍ എന്നെ വേദനിപ്പിച്ചത് ചുറ്റിലുമുള്ള ചില ആളുകളാണ്. ഓരോ ദിവസവും ശ്രീ എവിടെയൊക്കെ പോവുന്നു, എന്തൊക്കെ ചെയ്യുന്നു എന്നുള്ളത് എന്നോട് പറയാറുണ്ട്”,
”എനിക്കറിയാം ഇതിന്റെ സത്യം എന്താണെന്ന്. നമ്മള്‍ ഇതിനെ നിയമപരമായി നേരിടുകയാണ് ചെയ്യുക. അവരോട് തര്‍ക്കത്തിന് നില്‍ക്കുകയല്ല. നമ്മള്‍ ജയിച്ചു കാണിക്കുകയാണ് വേണ്ടത്. ഒരു തരത്തിലും കോംപ്രമൈസ് ചെയ്യാന്‍ ഞാന്‍ ഒരുക്കമല്ല. എന്റെ ഭര്‍ത്താവിനെതിരെ കേസ് വന്നല്ലോ, എന്റെ പടവും മോന്റെ പടവും ഒക്കെ യൂട്യൂബില്‍ വന്നല്ലോ, അതിന്റെ പേരില്‍ കരയാനോ സെന്റിമെന്‍സ് പിടിച്ചു പറ്റാനോ ഞാന്‍ തയ്യാറല്ല. അതൊന്നും എന്റെ രീതിയല്ല. ചില ആളുകള്‍ പറയും ഭര്‍ത്താവായത് കൊണ്ട് ന്യായീകരിക്കുകയാണ് എന്ന്, അല്ലാതെ വേറെ വഴിയില്ലെന്നും. ഈയൊരു കേസില്‍ ശ്രീ നിരപരാധി ആണെന്ന് എനിക്ക് ഉറപ്പുണ്ട്. ഭര്‍ത്താവ് ആയത് കൊണ്ടല്ല, എന്റെ സുഹൃത്തിന് എതിരെ ആണെങ്കില്‍ പോലും ഇത്തരം വ്യാജ ആരോപണം വന്നാല്‍ ഞാന്‍ പ്രതികരിക്കും. ഇനി എത്ര വര്‍ഷം എടുത്താലും നിയമപരമായി മുന്നോട്ട് പോവും”.
