അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഡയറ്റിലുള്ളവർ എല്ലാം ഒരുപോലെ തിരഞ്ഞെടുക്കുന്ന വിഭവമാണ് റാഗി. ആരോഗ്യകരമായിരിക്കാൻ റാഗി കൊണ്ടൊരു ജ്യൂസ് തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
റാഗി – ഒരു കപ്പ്
തേങ്ങ – ഒരു പിടി
ശർക്കര – മധുരത്തിന് ആവശ്യമുള്ളത്
ഏലയ്ക്ക – 4
വെള്ളം – മുക്കാൽ കപ്പ്
കശുവണ്ടി – 10
ബദാം
തയ്യാറാക്കുന്ന വിധം
ഒരു ചീനച്ചട്ടിയിലേയ്ക്ക് റാഗി എടുക്കാം. തുടർന്ന് റാഗി കുറഞ്ഞ ഫ്ലെയ്മിൽ നാല് മുതൽ അഞ്ചു മിനിറ്റു വരെ അടുപ്പിൽ വെച്ച് വറുത്തെടുക്കാം. വറുത്തെടുത്ത റാഗി ആവശ്യത്തിന് വെള്ളത്തിൽ കഴുകിയെടുത്ത് മിക്സി ജാറിലേയ്ക്കു മാറ്റാം. അതിലേയ്ക്ക് തേങ്ങ ചിരകിയതും, മധുരത്തിനാവശ്യമായ ശർക്കര, ഏലയ്ക്ക, വെള്ളം എന്നിവ കൂടി ചേർത്ത് നന്നായി ബ്ലെൻ്റ് ചെയ്യാം. ബ്ലെൻ്റ് ചെയ്തെടുത്ത റാഗി മറ്റൊരു പാത്രത്തിലേയ്ക്ക് കുറച്ചു വെള്ളംകൂടി ചേർത്ത് മൂന്നു തവണയായി അരിച്ചെടുത്തുവെയ്ക്കാം. വെള്ളത്തിൽ കുതിർത്തു വെച്ചിരുന്ന പത്തു കശുവണ്ടി, ബദാം എന്നിവ മിക്സിയിൽ ബ്ലെൻ്റ് ചെയ്ത് മാറ്റി വെച്ച ജ്യൂസിലേയ്ക്കു ചേർക്കാം. തണുപ്പിച്ചോ അല്ലാതെയോ സേർവ് ചെയ്യാം ഹെൽത്തി റാഗി ജ്യൂസ്.
STORY HIGHLIGHT : ragi juice recipe
