അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കുടംപുളി സാധാരണ മീൻ കറിയിൽ ആണ് നമ്മൾ പലരും ഉപയോഗിക്കുന്നത് അല്ലെ? എങ്കിൽ ഇനി കുടംപുളി വെച്ച് അച്ചാറും ഉണ്ടാക്കാം രുചികരമായ കുടംപുളി അച്ചാർ റെസിപ്പി നോക്കാം.
ആവശ്യമായ ചേരുവകൾ
- പഴുത്ത വലിയ കുടംപുളി – 10 എണ്ണം
- ഈന്തപ്പഴം- 100 ഗ്രാം
- വെളുത്തുള്ളി – 100 ഗ്രാം
- കാശ്മീരി മുളകു പൊടി – 5 ടീസ്പൂൺ
- വിനാഗിരി – പാകത്തിന്
- ഉപ്പ് – പാകത്തിന്
- കടുക് – 1ടിസ്പൂൺ
- ഉലുവ – ഒരു ടീസ്പൂൺ
- കായം – ഒരു ചെറിയ കഷ്ണം
തയാറാക്കുന്ന വിധം
കുടംപുളി കുരു കളഞ്ഞ് കഴുകി ചെറുതായി അടർത്തിയെടുക്കുക. അടർത്തിയെടുത്ത കുടമ്പുളി ചൂടു വെള്ളത്തിൽ കല്ലുപ്പു ചേർത്ത് അതിൽ ഇട്ടു വയ്ക്കുക. പത്തു മിനിറ്റിനു ശേഷം വെള്ളം വാർത്തു കളയുക. ഒരു മൺചട്ടി അടുപ്പത്ത് വെച്ച് ചൂടായി വരുമ്പോൾ ഒരു ടേബിൾ സ്പൂൺ നല്ലെണ്ണയൊഴിച്ച് അതിൽ ആദ്യം കായം വറുത്തു കോരുക
ശേഷം കടുക്, ഉലുവ എന്നിവ പൊട്ടിച്ച് വറുത്തു കോരുക. ബാക്കി എണ്ണയിൽ കൂടി 4 ടേബിൾ സ്പൂൺ എണ്ണ കൂടി ഒഴിച്ച് ചൂടാക്കി വെളുത്തുള്ളി ചേർക്കുക. ശേഷം മുളക് പൊടി ചേർത്ത് നന്നായി ചൂടാക്കുക. അതിൽ കുടംപുളി ചേർക്കുക. നൂറു ഗ്രാം നന്നാക്കിയ ഈന്തപ്പഴവും ആവശ്യത്തിനു ഉപ്പും കുറച്ച് വിനാഗിരിയും ചേർത്ത് ചെറു തീയിൽ 5 മിനിറ്റ് മൂടിവെയ്ക്കുക. തീ അണച്ചതിനു ശേഷം വറുത്ത് കോരി വെച്ച കടുക്, ഉലുവ, കായം എന്നിവ പൊടിച്ച് അച്ചാറിൽ ചേർത്തിളക്കുക.
