അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബ്രേക്ക്ഫാസ്റ്റിനോ ഡിന്നറിനോ ഒക്കെ എളുപ്പത്തിൽ രുചികരമായി തയ്യാറാക്കാവുന്ന ഒരു റെസിപ്പി നോക്കിയാലോ? വളരെ എളുപ്പത്തിൽ തയ്യാറാക്കിയെടുക്കാവുന്ന ഗോതമ്പ് ദോശ റെസിപ്പി നോക്കാം.
ആവശ്യമായ ചേരുവകൾ
- ഒരു കപ്പ് ഗോതമ്പ് പൊടി
- രണ്ട് സ്പൂൺ മല്ലിയില (അരിഞ്ഞത്)
- അര ടീസ്പൂൺ ജീരകം
- ആവശ്യത്തിന് ഉപ്പ്
- വെള്ളം (മാവ് കലക്കാൻ ആവശ്യമായ അളവിൽ)
- നെയ്യ് (ചുട്ടെടുക്കാൻ)
- ചെറിയ രീതിയിൽ അരിഞ്ഞ പച്ചക്കറികൾ (സവാള, കാരറ്റ് മുതലായവ – ഓപ്ഷണൽ)
തയ്യാറാക്കുന്ന വിധം
ഒരു ബൗളിൽ ഗോതമ്പ് പൊടി, മല്ലിയില, ജീരകം, ഉപ്പ് എന്നിവ എടുക്കുക. അരിഞ്ഞു വെച്ച പച്ചക്കറികൾ ചേർക്കുക (ഓപ്ഷണൽ). ശേഷം ആവശ്യത്തിന് വെള്ളമൊഴിച്ച് കട്ടയില്ലാതെ കലക്കിയെടുക്കുക. ഒരു പാൻ അടുപ്പിൽ വെച്ച് ചൂടാക്കുക. ചൂടായ പാനിൽ അൽപ്പം നെയ്യ് പുരട്ടുക. മാവ് ഒഴിച്ച് കനം കുറച്ച് പരത്തുക. ഇരുവശവും മൊരിഞ്ഞു വരുമ്പോൾ എടുത്ത് കഴിക്കാവുന്നതാണ്.
