അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പാൻ കേക്ക് തയ്യാറാക്കിയിട്ടുണ്ടോ? വളരെ എളുപ്പത്തിൽ തയ്യാറാക്കാവുന്ന ഒന്നാണ് പാൻ കേക്ക്. എങ്ങനെയെന്ന് നോക്കിയാലോ?
ആവശ്യമായ ചേരവുകൾ
- പഴം – 1 എണ്ണം
- മുട്ട – 1 എണ്ണം
- ബ്രെഡ് പൊടിച്ചത് – 2 എണ്ണം
- പഞ്ചസാര- 3/4 ടീസ്പൂൺ
- ഈന്തപ്പഴം- ആവശ്യത്തിന്
- നെയ്യ്- 1/2 ടീസ്പൂൺ
തയ്യാറാക്കുന്ന വിധം
നന്നായി പഴുത്ത ഒരു പഴം തൊലി കളഞ്ഞെടുക്കാം. അതിലേക്ക് ഒരു മുട്ട പൊട്ടിച്ചൊഴിക്കുക. മുക്കാൽ ടീസ്പൂൺ പഞ്ചസാര കൂടി ഇതിലേക്ക് ചേർത്ത് അരച്ചെടുക്കാം. രണ്ട് ബ്രെഡ് പൊടിച്ചതും, കുരുകളഞ്ഞെടുത്ത ഈന്തപ്പഴവും ചേർത്ത് ഒരിക്കൽ കൂടി അരയ്ക്കാം. ഒരു പാൻ അടുപ്പിൽ വച്ച് അര ടീസ്പൂൺ നെയ്യ് പുരട്ടി മാവിൽ നിന്നും ആവശ്യത്തിന് ഒഴിച്ച് ഇരുവശവും ചുട്ടെടുക്കാം. തേൻ, ഷുഗർ സിറപ്പ്, മേപ്പിൾ സിറപ്പ് എന്നിവയ്ക്കൊപ്പം കഴിക്കാം.
