അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇത്തവണ പായസം കാരറ്റ് വെച്ച് ആയാലോ? നല്ല കിടിലൻ സ്വാദിൽ തയ്യാറാക്കാവുന്ന കാരറ്റ് പായസത്തിന്റെ റെസിപ്പി നോക്കാം.
ആവശ്യമായ ചേരുവകൾ
- കാരറ്റ്- 3
- പാൽ- 1 1/2 ലിറ്റർ
- നെയ്യ്- 1 ടേബിൾസ്പൂൺ
- കശുവണ്ടി- ഒരു പിടി
- ബദാം- ഒരു പിടി
- ഉണക്കമുന്തിരി- ഒരു പിടി
- ഏലയ്ക്കപ്പൊടി- 1/4 ടീസ്പൂൺ
- ക്രീം- 2 ടേബിൾസ്പൂൺ
- പഞ്ചസാര- 1/2 കപ്പ്
- തയ്യാറാക്കുന്ന വിധം
കാരറ്റ് വൃത്തിയായി കഴുകിയെടുക്കാം. ശേഷം തൊലി കളഞ്ഞ് ഗ്രേറ്റ് ചെയ്തെടുത്ത് മാറ്റി വയ്ക്കാം. ഒരു പാൻ അടുപ്പിൽ വച്ച് ഇടത്തരം തീയിൽ പാലൊഴിച്ചു തിളപ്പിച്ച് കുറുക്കിയെടുക്കാം. മറ്റൊരു പാനിൽ നെയ്യൊഴിച്ച് ഉണക്കമുന്തിരി, കശുവണ്ടി, ബദാം എന്നിവ വറുക്കാം. തിളച്ച പാലിലേയ്ക്ക് ഗ്രേറ്റ് ചെയ്തു വച്ച് കാരറ്റും പഞ്ചസാരയും ഫ്രെഷ് ക്രീമും ചേർത്തിളക്കാം. പാൽ കട്ടിയായി വരുന്നതു വരെ ഇളക്കി കൊടുക്കാം. ശേഷം വറുത്തു വച്ചിരിക്കുന്ന നട്സും ഉണക്കമുന്തിരിയും ചേർക്കാം. അതിലേയ്ക്ക് ഏലയ്ക്ക പൊടിച്ചതു ചേർത്തിളക്കി അടുപ്പിൽ നിന്നും മാറ്റാം.
