അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ദുബൈയിൽ നബിദിനത്തോട് അനുബന്ധിച്ച് അവധി പ്രഖ്യാപിച്ചു. സെപ്തംബര്‍ ആദ്യവാരം താമസക്കാര്‍ക്ക് നീണ്ട വാരാന്ത്യമാണ് ലഭിക്കുക. സെപ്തംബര്‍ അഞ്ചിന് പൊതു അവധി ആയി പ്രഖ്യാപിച്ചു. ദുബായ് ഗവൺമെന്റ് ഹ്യൂമൻ റിസോഴ്‌സസ് ഡിപ്പാർട്ട്‌മെന്റാണ് ഇതുസംബന്ധിച്ച സർക്കുലർ പുറത്തിറക്കിയത്.
വാരാന്ത്യ അവധിക്ക് ശേഷം തിങ്കളാഴ്ച ജീവനക്കാര്‍ തിരികെ ജോലിയില്‍ പ്രവേശിക്കണം. സെപ്തംബര്‍ എട്ടിനാണ് ഒദ്യോഗിക പ്രവൃത്തി ദിവസം പുനരാരംഭിക്കുക. ഇത്തവണ തിരുവോണ ദിവസമാണ് നബിദിനം.
പ്രവാസി മലയാളികൾക്ക് ഓണം ആഘോഷിക്കാന്‍ നീണ്ട അവധിയാണ് ലഭിക്കുക. യുഎഇയിലെ സ്വകാര്യ സ്ഥാപനങ്ങളിലെ ജീവനക്കാർക്ക് നേരത്തെ നബിദിനത്തോട് അനുബന്ധിച്ച് ശമ്പളത്തോട് കൂടിയ അവധി പ്രഖ്യാപിച്ചിരുന്നു.
