അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തൃശ്ശൂര്‍: തൃശ്ശൂരില്‍ ബസ് മറിഞ്ഞ് 10 പേർക്ക് പരിക്ക്. തൃശൂർ-കുറ്റിപ്പുറം സംസ്ഥാനപാതയിലാണ് അപകടമുണ്ടായത്. പുറ്റെക്കരയിൽ ഇന്ന് പുലർച്ചെ 5.30 നാണ് അപകടം. ബസില്‍ നിറയെ യാത്രക്കാരുണ്ടായിരുന്നു. പരിക്കേറ്റ ഒരാളുടെ നില ഗുരുതരമാണ്. പരിക്കേറ്റവരെ ആശുപത്രിയില്‍ പ്രവേശിപ്പിച്ചിട്ടുണ്ട്. കുന്ദംകുളം റൂട്ടില്‍ സര്‍വീസ് നടത്തുന്ന ‘ജീസസ്’ എന്ന ബസാണ് മറിഞ്ഞത്. മരത്തിലും കാറിലും ഇടിച്ച ശേഷമാണ് ബസ് മറിഞ്ഞത്. നടുറോഡിന് കുറുകെയാണ് ബസ് മറിഞ്ഞത്. അപകടത്തെ തുടര്‍ന്ന് തൃശ്ശൂര്‍, കുന്നംകുളം റോഡിൽ ഗതാഗതം സ്തംഭിച്ചു. ബസ് റോഡിൽ നിന്നും ക്രെയിന് ഉപയോഗിച്ച് മാറ്റി. കാറിലിടിച്ച ബസ് മരത്തിലുമിടിച്ച ശേഷമാണ് റോഡില്‍ മറിച്ചത്.
