അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കുട്ടികളുടെയും മുതിർന്നവരുടെയും പ്രിയപ്പെട്ട ബട്ടർ കുക്കീസ് ഇനി സിംപിളായി വീട്ടിൽ ഉണ്ടാക്കാം. എങ്ങനെയെന്ന് നോക്കിയാലോ?
ആവശ്യമായ ചേരുവകൾ
- നെയ്യ്
- പഞ്ചസാര
- ഏലയ്ക്കാപ്പൊടി
- മൈദ
- ഉപ്പ്
തയ്യാറാക്കുന്ന വിധം
ഒരു ബൗളിൽ 1 കപ്പ് മൈദ എടുത്ത് അതിലേക്ക് 7 ടേബിൾ സ്പൂൺ പഞ്ചസാര പൊടിച്ചതു ചേർക്കുക. ഒരു നുളള് ഉപ്പ് അതിനൊപ്പം അര ടീസ്പൂൺ വാനില എസൻസ് അല്ലെങ്കിൽ ഏലയ്ക്കാപ്പൊടി ചേർത്ത് നന്നായി മിക്സ്സ് ചെയ്യുക. ഉരുക്കിയ നെയ്യ് ആവശ്യത്തിന് എടുത്ത് മൈദയിലേയ്ക്ക് ചെറിയ അളവിൽ ചേർത്ത് കൈകൊണ്ട് മിക്സ് ചെയ്ത് വെയ്ക്കുക.
ശേഷം കൈയ്യിൽ അൽപ്പം നെയ്യ് പുരട്ടി മിക്സ് ചെയ്തിരിക്കുന്ന മാവിൽ നിന്ന് കുറച്ചെടുത്ത് കൈകൊണ്ട്തന്നെ ഉരുട്ടിയെടുക്കുക. ഓവനിൽ ആണെങ്കിൽ 10 മിനിറ്റ് പ്രീഹീറ്റ് ചെയ്ത് ബേക്കിങ് ട്രെയിൽ വെക്കുക. ഓവനില്ലെങ്കിൽ നോൺസ്റ്റിക്കിൻ്റെയോ അലൂമിനിയത്തിൻ്റെയോ കട്ടിയുള്ള പാത്രം മതിയാകും. അങ്ങിനെയെങ്കിൽ 5 മിനിറ്റ് പാത്രം പ്രീഹീറ്റ് ചെയ്ത് മീഡിയം ഫ്ലെയ്മിൽ ഒരു ചെറിയ തട്ടത്തിൽ ഉരുട്ടിയെടുത്ത മാവ് എടുത്ത് അതിലേയ്ക്ക് വെച്ച് അടയ്ക്കുക. ആവി ഒട്ടും തന്നെ പുറത്തേയ്ക്ക് പോകരുത്. 15 മിനിറ്റിനുള്ളിൽ നല്ല പെർഫക്ട് കുക്കി റെഡി.
