അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പുതിയ രണ്ട് ട്രാൻസലേഷൻ ഫീച്ചര്‍ കൂടി ഗൂഗിള്‍ ട്രാൻസലേറ്റില്‍ അവതരിപ്പിച്ച് ഗൂഗിള്‍. തത്സമയ സംഭാഷണം, ഭാഷാ പഠനം എന്നിവയ്ക്ക് സഹായിക്കുന്നതിന് ജെമിനി മോഡലിൻ്റെ നൂതനമായ ലോജിക്കൽ, മൾട്ടിമോഡൽ ഫീച്ചറുകള്‍ കൂടി ഉള്‍പ്പെടുത്തിയാണ് പുതിയ ഫീച്ചര്‍ ഗൂഗിള്‍ അവതരിപ്പിച്ചിരിക്കുന്നത്. പുതിയ ഫീച്ചറുകൾ ഉൾപ്പെടുത്തിയ ട്രാൻസ്‌ലേറ്റ് ആപ്പ്, തത്സമയ സംഭാഷണങ്ങൾ വിവര്‍ത്തനം ചെയ്യുന്നു. മെച്ചപ്പെട്ട രീതിയില്‍ ശബ്‌ദങ്ങള്‍ തിരിച്ചറിയുകയും അത് തത്സമയം വിവർത്തനം ചെയ്യുന്നു. ഭാഷാ പഠനം എളുപ്പമാക്കുന്നതിനായി പരിശീലന സെഷനുകൾ നൽകാനും പുതിയ ഫീച്ചര്‍ സഹായിക്കും.
ട്രാൻസ്‌ലേറ്റ് ആപ്പിൽ ഇപ്പോൾ ഓഡിയോയും ഓൺ-സ്‌ക്രീൻ വിവർത്തനങ്ങളും ഉപയോഗിച്ച് തത്സമയം സംഭാഷണങ്ങൾ നടത്താനാകും. ഹിന്ദി, തമിഴ്, അറബിക്, ഫ്രഞ്ച്, സ്പാനിഷ് ഉൾപ്പെടെ 70-ലധികം ഭാഷകളില്‍ ഈ ഫീച്ചര്‍ ലഭ്യമാകും. പുതിയ തത്സമയ സംഭാഷണ വിവർത്തന ഫീച്ചർ ഉപയോഗിക്കാൻ, ട്രാൻസ്‌ലേറ്റ് ആപ്പ് തുറന്ന് “Live translate” എന്നതിൽ ടാപ്പ് ചെയ്യുക. വിവർത്തനം ചെയ്യേണ്ട ഭാഷ തിരഞ്ഞെടുത്ത് സംസാരിച്ചു തുടങ്ങാം. ആപ്പ് വിവർത്തനം ചെയ്തത് ഉച്ചത്തിൽ വായിക്കുകയും സംഭാഷണത്തിന്റെ ട്രാൻസ്‌ക്രിപ്റ്റ് രണ്ട് ഭാഷകളിലും ഉപകരണത്തിൽ പ്രദർശിപ്പിക്കുകയും ചെയ്യും. ഉപയോക്താക്കൾക്ക് തത്സമയ വിവർത്തനത്തിനായി ആവശ്യമായ രണ്ട് ഭാഷകൾക്കിടയിൽ എളുപ്പത്തിൽ മാറാനും സാധിക്കും. ഈ ഫീച്ചർ ഭാഷ മാത്രമല്ല, സംഭാഷണത്തിലെ ഇടവേളകളും ഉച്ചാരണരീതികളും തിരിച്ചറിയുമെന്ന് ഗൂഗിൾ പറയുന്നു. ഇത് ഒരു ടാപ്പിലൂടെ സ്വാഭാവികമായ സംഭാഷണം നടത്താൻ നിങ്ങളെ സഹായിക്കും. ഇന്ത്യ, യുഎസ്, മെക്സിക്കോ എന്നിവിടങ്ങളിൽ ലൈവ് ട്രാൻസ്‌ലേറ്റ് ഫീച്ചർ ലഭ്യമായിത്തുടങ്ങിയിട്ടുണ്ട്.
ഗൂഗിൾ ട്രാൻസ്‌ലേറ്റിലെ പുതിയ ഭാഷാ പരിശീലന ഫീച്ചർ ഉപയോക്താക്കളെ അവരുടെ ആശയവിനിമയ കഴിവുകൾ മെച്ചപ്പെടുത്താൻ സഹായിക്കും. ഇത് ഉപയോക്താക്കളുടെ കഴിവുകൾക്കനുസരിച്ച് തത്സമയം സൃഷ്‌ടിക്കപ്പെടുന്ന ലിസണിംഗ്, സ്പീക്കിംഗ് പ്രാക്ടീസ് സെഷനുകൾ നൽകുന്നു. ഈ പുതിയ ഫീച്ചർ ഉപയോഗിക്കാൻ, ട്രാൻസ്‌ലേറ്റ് ആപ്പ് തുറന്ന് “practice” ടാപ്പ് ചെയ്യുക. നിങ്ങൾ തിരഞ്ഞെടുത്ത ഭാഷയിൽ ആശയവിനിമയ ക‍ഴിവുകള്‍ മെച്ചപ്പെടുത്തുന്നതിനുള്ള സാഹചര്യങ്ങൾ ആപ്പ് ചെയ്തുതരുന്നതായിരിക്കും. ഓരോ സാഹചര്യത്തിലും, ഉപയോക്താക്കൾക്ക് സംഭാഷണങ്ങൾ കേൾക്കാനും അവർക്ക് കേൾക്കുന്ന വാക്കുകൾ ടാപ്പ് ചെയ്ത് മനസ്സിലാക്കാനും കഴിയും. കൂടാതെ, സംസാരിച്ചും പരിശീലനം നേടാം.
ഭാഷാ പഠനത്തെക്കുറിച്ചുള്ള ഏറ്റവും പുതിയ പഠനങ്ങളെ അടിസ്ഥാനമാക്കി, ഈ പരിശീലനങ്ങൾ നിങ്ങളുടെ ദൈനംദിന പുരോഗതി രേഖപ്പെടുത്തുകയും മറ്റൊരു ഭാഷയിൽ ആത്മവിശ്വാസത്തോടെ ആശയവിനിമയം നടത്താൻ ആവശ്യമായ കഴിവുകൾ വളർത്താൻ നിങ്ങളെ സഹായിക്കുകയും ചെയ്യും.
content highlight: Google Translate
