വെറും മൂന്ന് ചേരുവകൾ കൊണ്ട് കിടിലൻ സ്മൂത്തി

വെറും മൂന്ന് ചേരുവകൾ മതി സ്മൂത്തി തയ്യാറാക്കുവാൻ. പാൽ, പീനട്ട് ബട്ടർ, ഏത്തപ്പഴം എന്നിവയുണ്ടെങ്കിൽ സ്മൂത്തി റെഡി. നമ്മൾ ദിവസവും ഭക്ഷണത്തിൽ ഉൾപ്പെടുത്തുന്നവയാണ് ഈത്തപ്പഴവും പാലും ബട്ടറുമൊക്കെ. ഇവ പോഷകസമൃദ്ധവും രുചികരവും മാത്രമല്ല, ആരോഗ്യത്തിന് കാരണമാകുന്ന ബയോആക്ടീവ് സംയുക്തങ്ങളാലും നിറഞ്ഞവയാണ്. ഈ സ്മൂത്തിയിൽ ധാരാളം പ്രോടീൻ അടങ്ങിയിരിക്കുന്നു. കാൽസ്യം, പൊട്ടാസ്യം, ഫൈബർ, വിറ്റാമിൻ ഇ കൊണ്ടും ഈ സ്മൂത്തി സമ്പുഷ്ടമാണ്. പ്രോട്ടീനും ആരോഗ്യകരമായ കൊഴുപ്പുകളും കലർന്നിരിക്കുന്നതിനാൽ സ്മൂത്തി കുടിച്ച് കഴിയുമ്പോൾ വയർ നിറഞ്ഞതായി നമുക്ക് തോന്നും.

ചേരുവകള്‍

200 മില്ലി പാൽ
1 ഏത്തപ്പഴം തൊലി കളഞ്ഞ് അരിഞ്ഞത്
20 ഗ്രാം പീനട്ട് ബട്ടർ
1 ടേബിൾസ്പൂൺ ഓട്സ്
1 നുള്ളി കറുവാപ്പട്ടയുടെ പൊടി
ഐസ് ക്യൂബുകൾ

തയ്യാറാക്കുന്ന വിധം

എല്ലാ ചേരുവകളും ഒരു മിക്സിയിൽ ചേർത്ത് മിനുസമാകുന്നത് വരെ അടിച്ചെടുക്കുക. ഒരു ഗ്ലാസ്സിലേക്ക് ഒഴിച്ച് വിളമ്പുക. ബനാന പീനട്ട് ബട്ടർ സ്മൂത്തി തയ്യാർ.