അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സെപ്റ്റംബർ ഒന്ന് മുതല്‍ ബഹ്റൈനിലേക്ക് യാത്ര ചെയ്യുന്നവര്‍ക്ക് ‘ഓക്കെ ടു ബോര്‍ഡ്’ സന്ദേശം ആവശ്യമില്ലെന്ന് എയര്‍ ഇന്ത്യ അറിയിച്ചു. നേരത്തെ വിസ സാധുതയുള്ളതാണോയെന്ന് സ്ഥിരീകരിക്കുന്നതിനായി വിസയുടെ കോപ്പി അതാത് എയര്‍ ലൈന്‍ ഓഫീസില്‍ പരിശോധനക്ക് വിധേയമാക്കുമായിരുന്നു.
കൂടാതെ വിസ മെസ്സേജിനായി മൂന്ന് ദിനാര്‍ വരെ ചാര്‍ജും ഈടാക്കിയിരുന്നു. എന്നാല്‍ പുതിയ സംവിധാനം അനുസരിച്ച് വിസയുടെ വിവരങ്ങള്‍ ഇനി മുതല്‍ ഓണ്‍ലൈനായി പരിശോധിക്കാനാകും എന്ന് എയര്‍ ഇന്ത്യ അറിയിച്ചു.
തൊഴില്‍ വിസയും കുടുംബ വിസയും എല്‍എംആര്‍എയുടെ വെബ്സൈറ്റിലൂടെയും സന്ദര്‍ശക വിസകളും ഫാമിലി വിസകളും ഇ-വിസ വെബ്സൈറ്റിലൂടെയും പരിശോധിക്കാൻ സാധിക്കും.
വീട്ടുജോലിക്കാര്‍ക്കുള്ള വര്‍ക്ക് പെര്‍മിറ്റും എല്‍എംആര്‍എ വെബ്സൈറ്റില്‍ ലഭ്യമാകും. യാത്രക്കാര്‍ വിസയുടെ പ്രിന്റൗട്ട് കൈവശം വെയ്ക്കണമെന്നും ചെക്ക് ഇന്‍ കൗണ്ടറുകളിലും എമിഗ്രേഷന്‍ കൗണ്ടറുകളിലും അവ കാണിക്കണമെന്നും എയര്‍ ഇന്ത്യ വ്യക്തമാക്കി.
