അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നമ്മളില്‍ പലരും നേരിടുന്ന ഒരു പ്രശ്മാണ് ഫാറ്റി ലിവര്‍. പുതിയ ഭക്ഷണ രീതിയും വ്യായാമമില്ലാത്തതുമെല്ലാം ഫാറ്റി ലിവറിന് കാരണമാണ്.
ഫാറ്റി ലിവര്‍ മാറ്റാന്‍ സഹായിക്കുന്ന ചില കാര്യങ്ങള്‍ താഴെ നല്‍കുന്നു..
ധാരാളം പഴങ്ങളും പച്ചക്കറികളും കഴിക്കുക. ഇവയില്‍ നാരുകളും ആന്റിഓക്‌സിഡന്റുകളും അടങ്ങിയിട്ടുണ്ട്, ഇത് കരളിന്റെ ആരോഗ്യം മെച്ചപ്പെടുത്താന്‍ സഹായിക്കും. ഒമേഗ-3 ഫാറ്റി ആസിഡുകള്‍ അടങ്ങിയ ഭക്ഷണങ്ങളായ മീന്‍, വാള്‍നട്ട്, ചിയ വിത്തുകള്‍ എന്നിവ ഡയറ്റില്‍ ഉള്‍പ്പെടുത്തുക.
മദ്യപാനം കരളിന്റെ ആരോഗ്യത്തിന് ഏറ്റവും ദോഷകരമായ ഒന്നാണ്. മദ്യപാനം പൂര്‍ണ്ണമായും ഒഴിവാക്കുന്നത് ഫാറ്റി ലിവര്‍ ചികിത്സയില്‍ നിര്‍ണായകമാണ്. ഗോതമ്പ്, ഓട്‌സ്, ബ്രൗണ്‍ റൈസ് എന്നിവ പോലുള്ള നാരുകളടങ്ങിയ ഭക്ഷണങ്ങള്‍ കഴിക്കുക.
അമിതഭാരം കരളിന്റെ ആരോഗ്യത്തെ ദോഷകരമായി ബാധിക്കും. ശരീരഭാരം കുറയ്ക്കുന്നത് ഫാറ്റി ലിവര്‍ മാറ്റുന്നതിനുള്ള പ്രധാന വഴികളില്‍ ഒന്നാണ്. മധുരപാനീയങ്ങള്‍, സോഡ, മധുര പലഹാരങ്ങള്‍ എന്നിവ ഒഴിവാക്കുക. ഇവ കരളിന് ദോഷകരമാണ്.
ഡയറ്റും വ്യായാമവും ഒരുമിച്ച് കൊണ്ടുപോകുന്നത് ആരോഗ്യകരമായ രീതിയില്‍ ശരീരഭാരം കുറയ്ക്കാന്‍ സഹായിക്കും. ദിവസവും 30-40 മിനിറ്റ് വ്യായാമം ചെയ്യുന്നത് കരളിലെ കൊഴുപ്പ് കുറയ്ക്കാന്‍ സഹായിക്കും. നടക്കുക, ജോഗിംഗ്, സൈക്ലിംഗ്, നീന്തല്‍ തുടങ്ങിയ വ്യായാമങ്ങള്‍ തിരഞ്ഞെടുക്കാവുന്നതാണ്.
content highlight: Fatty liver
