അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇഡ്ഡലിക്കും ദോശയ്ക്കുമൊപ്പം കഴിക്കാൻ ഒരു അടിപൊളി ചട്ണി ഉണ്ടാക്കിയാലോ? വളരെ എളുപ്പത്തിൽ തന്നെ തയ്യാറാക്കിയെടുക്കാവുന്ന ഒരു ചട്ണി.
ആവശ്യമായ ചേരുവകൾ
- തക്കാളി – 3 എണ്ണം
- ഉണക്ക മുളക്- 3 എണ്ണം
- കാശ്മീരി മുളക്- 3 എണ്ണം
- വെളിച്ചെണ്ണ- 1 ടേബിൾ സ്പൂൺ
- ജീരകം- 1/2 ടീ സ്പൂൺ
- പരിപ്പ്- 1 ടേബിൾ സ്പൂൺ
- സവാള- 1 എണ്ണം
- കായം- 1/4 ടീ സ്പൂൺ
- വെളുത്തുളളി- 6 എണ്ണം
- മഞ്ഞൾ പൊടി- 1/4 ടീ സ്പൂൺ
- മല്ലിയില- അവശ്യത്തിന്
- കറിവേപ്പില- ആവശ്യത്തിന്
- ഉപ്പ്- ആവശ്യത്തിന്
തയ്യാറാക്കുന്ന വിധം
ഒരു ചട്ടിയിലേയ്ക്ക് വെളിച്ചെണ്ണ, ജീരകം, പരിപ്പ് എന്നിവ ചേർത്ത് നല്ലവണ്ണം ചൂടാക്കിയെടുക്കുക. ഇനി ഇതിലേക്ക് സവാള,തക്കാളി, വെളുത്തുളളി, കറിവേപ്പില, മഞ്ഞൾ പൊടി, ഉപ്പ് എന്നിവ ചേർത്ത് വഴറ്റിയെടുക്കണം. ശേഷം മല്ലിയില,കായം ചേർത്ത് അഞ്ച് മിനിറ്റ് നേരത്തേക്ക് അടച്ചുവയ്ക്കാം. ഈ കൂട്ട് ചൂടാറിയ ശേഷം മിക്സിയിലിട്ട് അരച്ചെടുക്കണം. ശേഷം ചമ്മന്തിയിലേക്ക് കടുക് പൊട്ടിച്ച് താളിച്ച ഒഴിക്കാം.
