അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഈ ഓണത്തിന് പായസം ഇതുപോലെ തയ്യാറാക്കിനോക്കൂ.. നല്ല കിടിലൻ സ്വാദിൽ എളുപ്പത്തിൽ തയ്യാറാക്കിയെടുക്കാവുന്ന ഒരു പാൽപായസം റെസിപ്പി നോക്കാം.
ആവശ്യമായ ചേരുവകള്‍
- പാല്‍ – 2 ലിറ്റര്‍
- ഉണക്കലരി – 125 ഗ്രാം
- ശര്‍ക്കര – മധുരത്തിന് ആവശ്യത്തിന്
- ഏലയ്ക്ക പൊടി – അര ടീസ്പൂണ്‍
- നെയ്യ്, അണ്ടിപ്പരിപ്പ്, ഉണക്കമുന്തിരി – ആവശ്യത്തിന്
- വെള്ളം – അര ലിറ്റര്‍
തയ്യാറാക്കുന്ന വിധം
ഉരുളിയില്‍ നെയ്യൊഴിച്ച് ചൂടായി വരുമ്പോള്‍ വെള്ളം ഒഴിക്കണം. വെള്ളം തിളക്കുമ്പോള്‍ പാല്‍ ഒഴിച്ച് തിളപ്പിക്കുക. ഇളം പിങ്ക് നിറമാകുമ്പോള്‍ അരി കഴുകി ഇടണം. അരി മുക്കാല്‍ വേവാകുമ്പോള്‍ ശര്‍ക്കര പാനി ചേര്‍ക്കുക. അരി വെന്ത് കുറുകി വരുമ്പോള്‍ തീയണയ്ക്കുക. ശേഷം ഏലയ്ക്കാപ്പൊടി ചേര്‍ത്ത് പത്ത് മിനിറ്റ് ഇളക്കണം. നെയ്യില്‍ അണ്ടിപ്പരിപ്പ്, ഉണക്കമുന്തിരി വറുത്തിടാം.
