അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മാധ്യമപ്രവർത്തകയുടെ ചോദ്യത്തിന് അപമര്യാദയായി മറുപടി നൽകി വിവാദത്തിൽ കുടുങ്ങി ഉത്തര കന്നഡയിലെ ഹല്യാൽ എംഎൽഎയും മുൻ മന്ത്രിയുമായ ആർ.വി. ദേശ്പാണ്ഡെ. ആശുപത്രി ഇല്ലാത്തതിനാൽ ഗർഭിണികളുൾപ്പെടെയുള്ളവർ കഷ്ടപ്പെടുകയാണെന്നും ജോയിഡ താലൂക്കിൽ എപ്പോൾ ഒരു ആശുപത്രി ലഭിക്കുമെന്ന ചോദ്യത്തിനോട് പ്രതികരിക്കുകയായിരുന്നു അദ്ദേഹം.
നിങ്ങളുടെ പ്രസവ സമയമാകുമ്പോൾ, ഞാൻ ഒരെണ്ണം ശരിയാക്കിത്തരാമെന്നായിരുന്നു എംഎൽഎയുടെ വിവാദ പരാമർശം. സ്ത്രീകളുടെ അന്തസ്സിനെ അപമാനിക്കുന്ന ഈ പ്രസ്താവന നടത്തിയ ആർ.വി. ദേശ്പാണ്ഡെയുടെ പ്രതികരണത്തിൽ പ്രതിഷേധിച്ച് മാധ്യമങ്ങളും രാഷ്ട്രീയ നേതാക്കളും രംഗത്തെത്തി.
വിവാദ പ്രസ്താവന നടത്തിയ ദേശ്പാണ്ഡെ മാധ്യമപ്രവർത്തകയോട് പരസ്യമായി തന്നെ മാപ്പ് പറയണമെന്ന ആവശ്യം ശക്തമാണ്. ദേശ്പാണ്ഡെയുടെ പരാമർശം അനുചിതം മാത്രമല്ല, അങ്ങേയറ്റം അപമാനകരവുമാണെന്നും. ഇത്തരം പരാമർശങ്ങൾ മാധ്യമപ്രവർത്തനമെന്ന തൊഴിലിനെ ഇകഴ്ത്തുകയും സ്ത്രീകളുടെ ആശങ്കകളെ നിസ്സാരവൽക്കരിക്കുകയും ചെയ്യുന്നതാണെന്നും മാധ്യമ അവകാശ സംഘടന പ്രസ്താവനയിൽ പറഞ്ഞു.
STORY HIGHLIGHT: congress leader
