അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.യുഎഎയിലെ വിദ്യാർഥികളുടെ ഹാജർ നിയമങ്ങൾ കർശനമാക്കി വിദ്യാഭ്യാസ മന്ത്രാലയം. അഞ്ചു വർഷത്തിൽ 15 ദിവസത്തിൽ കൂടുതൽ ക്ലാസിൽ ഹാജരാകാത്ത വിദ്യാർഥികൾക്ക് അടുത്ത ക്ലാസ്സിലേക്ക് സ്ഥാനക്കയറ്റം നൽകേണ്ടതില്ലെന്നാണ് നിർദേശം. യുഎഇയിലെ സർക്കാർ, സ്വകാര്യ സ്കൂൾ വിദ്യാർഥികൾക്കെല്ലാം തന്നെ ഈ നിയമം ബാധകമാണ്.
എപ്പോൾ ലീവ് എടുത്താലും രേഖാമൂലം സ്കൂളിനെ അറിയിക്കണം. കാരണംകൂടാതെ ലീവെടുക്കുന്ന വിദ്യാർഥികൾക്ക് സ്കൂൾ അധികൃതർ മുന്നറിയിപ്പ് നൽകും. 3 തവണ മുന്നറിയിപ്പ് നൽകിയിട്ടും 15 ദിവസത്തിൽ കൂടുതൽ ലീവെടുക്കുന്നവർ ഒരു വർഷം കൂടി ഇതേ ക്ലാസിൽ തുടരേണ്ടി വരും. കൂടാതെ ശനി, ഞായർ ദിവസങ്ങളിലാണ് യുഎഇയിൽ വാരാന്ത്യ അവധി. അതിനാൽ വെള്ളി, തിങ്കൾ ദിവസങ്ങളിൽ അവധി എടുത്താൽ 2 ദിവസം ലീവെടുത്തതായി കണക്കാക്കും. അസുഖം മൂലമാണ് സ്കൂളിൽ എത്താതിരുന്നതെങ്കിൽ രാവിലെ 8.30ന് മുൻപ് അക്കാര്യം സ്കൂളിലേക്ക് ഇ-മെയിൽ മുഖേന അറിയിക്കുകയും അടുത്ത ദിവസം സ്കൂളിൽ എത്തുമ്പോൾ മെഡിക്കൽ സർട്ടിഫിക്കറ്റ് ഹാജരാക്കുകയും വേണം. അടുത്ത ബന്ധുക്കൾ മരിച്ചാൽ 5 ദിവസം വരെ ലീവിന് അർഹതയുണ്ട്.
മൂന്ന് ടേമുള്ള അധ്യയന വർഷത്തിലെ ഒരോ ടേമുകളിലും 5 വീതം മൊത്തം 15 ദിവസമാണ് രേഖാമൂലം അനുവദിച്ച അവധി. ഇക്കാര്യം രേഖാമൂലം രക്ഷിതാവിനെ അറിയിക്കും. അറിയിപ്പ് ലഭിച്ച് 5 ദിവസത്തിനകം അപ്പീൽ നൽകാൻ രക്ഷിതാക്കൾക്ക് അവകാശമുണ്ട്.
STORY HIGHLIGHT: new attendance rules for uae school
