അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ലിസ്ബൺ: പോർച്ചുഗൽ തലസ്ഥാനമായ ലിസ്ബണിൽ ട്രെയിൻ മറിഞ്ഞ് 15 പേർ മരിച്ചു. അപകടത്തിൽ 18 പേർക്ക് പരിക്കേറ്റു. ഫ്യൂണിക്കുലാർ ട്രെയിൻ പാളം തെറ്റി ആണ് അപകടം ഉണ്ടായത്. ഇരകളുടെ തിരിച്ചറിയൽ രേഖകൾ ഉടനടി ലഭ്യമല്ലാത്തതിനാൽ മരിച്ചവരുടെ വിവരങ്ങൾ ലഭ്യമല്ല.
ബുധനാഴ്ച നടന്ന അപകടത്തിൽ മഞ്ഞ ഗ്ലോറിയ ഫ്യൂണിക്കുലാർ ലിബർട്ടി അവന്യൂവിനടുത്തുള്ള കുത്തനെയുള്ള ട്രാക്കിൽ നിന്ന് തെന്നിമാറി കെട്ടിടത്തിൽ ഇടിച്ചു കയറിയാണ് അപകടമുണ്ടായത്.
ചില വിദേശികൾ ഉൾപ്പെടെയുള്ളവരെ അവശിഷ്ട‌ങ്ങൾക്കിടയിൽ നിന്ന് കണ്ടെടുത്തതായി അടിയന്തര സേവനങ്ങൾ അറിയിച്ചു. അപകടത്തെ തുടർന്ന് വ്യാഴാഴ്ച രാജ്യം ദുഃഖാചരണം നടത്തുമെന്ന് പോർച്ചുഗീസ് സർക്കാർ അറിയിച്ചു.
