അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വിവാഹാഭ്യർത്ഥന നടത്തിയ ആരാധകന് മറുപടിയുമായി നടി അവന്തിക മോഹൻ. ഇൻസ്റ്റാഗ്രാം സ്റ്റോറിയിലൂടെയായിരുന്നു പ്രതികരണം. പ്രായപൂർത്തിയാകാത്ത 17 കാരനാണ് ആരാധകൻ.
വിവാഹത്തെക്കുറിച്ച് ഇപ്പോൾ ആലോചിക്കേണ്ടെന്നും ഇത് പഠിക്കേണ്ട സമയമാണെന്നുമാണ് താരം പറഞ്ഞത്.
അവന്തികയുടെ കുറിപ്പ്:
എന്റെ കുഞ്ഞ് ആരാധകന്, നീ എനിക്ക് കുറച്ചുകാലമായി സന്ദേശങ്ങൾ അയക്കുന്നുവെന്ന് എനിക്കറിയാം. നിന്നോട് സത്യസന്ധമായി ഒരു കാര്യം പറയാൻ ഞാൻ ആഗ്രഹിക്കുന്നു. നീ ഇപ്പോഴും വളരെ ചെറുപ്പമാണ്. പതിനാറോ പതിനേഴോ വയസ്സ് മാത്രമേ കാണൂ.
ജീവിതം എന്താണെന്ന് നീ ഇനിയും മനസ്സിലാക്കാനിരിക്കുന്നതേയുള്ളൂ. ഒരു വർഷമായി എന്നെ വിവാഹം കഴിക്കണമെന്ന് നീ നിരന്തരമായി ആവശ്യപ്പെടുന്നു, നീ ഒരു വാശിക്കാരനാണെന്ന് എനിക്ക് തോന്നുന്നു! പക്ഷേ, നീ വളരെ ചെറുപ്പമല്ലേ. വിവാഹകാര്യങ്ങളെക്കുറിച്ചല്ല, പരീക്ഷകളെക്കുറിച്ചാണ് നീ ഇപ്പോൾ ആകുലപ്പെടേണ്ടത്.
എന്നെക്കാൾ വളരെ പ്രായം കുറഞ്ഞ ആളാണ് നീ. നമ്മൾ വിവാഹം കഴിച്ചാൽ, ആളുകൾ നിന്റെ ഭാര്യയായിട്ടല്ല, അമ്മയായിട്ടായിരിക്കും എന്നെ കാണുന്നത്. അതുകൊണ്ട് ഇപ്പോൾ പഠനത്തിൽ ശ്രദ്ധിക്കൂ, ചാംപ്. നിനക്കുള്ള പ്രണയകഥ ശരിയായ സമയത്ത് തീർച്ചയായും സംഭവിക്കും! സ്നേഹത്തോടെ, അനുഗ്രഹങ്ങളോടെ!’.
content highlight: Avanthika Mohan
