അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പൈനാപ്പിളും മാമ്പഴവും ഒന്നും വേണ്ട, ഞൊടിയിടയിലുണ്ടാക്കാം റംബൂട്ടാന്‍ പുളിശ്ശേരി. നല്ല കിടിലന്‍ രുചിയില്‍ റംബൂട്ടാന്‍ പുളിശ്ശേരി തയ്യാറാക്കുന്നത് എങ്ങനെയെന്ന് നോക്കാം.
ചേരുവകള്‍
റംബുട്ടാന്‍ – 10 എണ്ണം
നാളികേരം – 1 കപ്പ്
തൈര് (പുളി ഇല്ലാത്തത്) – 1/2 കപ്പ്
മഞ്ഞള്‍പ്പൊടി – 1/2 ടീസ്പൂണ്‍
പച്ചമുളക് – 4 എണ്ണം
കടുക് – 1/2 ടീസ്പൂണ്‍
ജീരകം – 1/4 ടീസ്പൂണ്‍
ഉലുവ – 1/8 ടീസ്പൂണ്‍
ചെറിയ ഉള്ളി – 3 എണ്ണം
ഉണക്ക മുളക് – 2 എണ്ണം
പഞ്ചസാര – 1 ടീസ്പൂണ്‍
തയ്യാറാക്കുന്ന വിധം
10 റംബുട്ടാന്‍ തൊലി കളഞ്ഞ് വൃത്തിയാക്കുക.ശേഷം ഉപ്പും മഞ്ഞളും 3 പച്ചമുളകും ചേര്‍ത്ത് വേവിക്കുക. അതിലേക്ക് 1 ടീസ്പൂണ്‍ മുതല്‍ 2 ടീസ്പൂണ്‍ വരെ പഞ്ചസാര ചേര്‍ത്ത് കൊടുക്കുക. ഇതിലേക്ക് ½ കപ്പ് തേങ്ങ, 1 പച്ചമുളക്, ¼ ടീസ്പൂണ്‍ ജീരകം എന്നിവ അരച്ചത് ചേര്‍ക്കുക. അതിലേക്ക് ½ കപ്പ് പുളി ഇല്ലാത്ത തൈരും ചേര്‍ത്ത് ഇളക്കി യോജിപ്പിക്കുക. ചെറുതായി തിളച്ചു വന്നാല്‍ പുളിശ്ശേരി മാറ്റി വയ്ക്കുക.അതിലേക്ക് കടുക് പൊട്ടിച്ച് ചേര്‍ക്കുക.
