അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നല്ല സോഫ്റ്റ് ചപ്പാത്തിയുണ്ടാക്കാൻ ഇനി ഇത് ശ്രദ്ധിച്ചാൽ മതി. നല്ല കിടിലൻ സ്വാദിൽ വളരെ എളുപ്പത്തിൽ തന്നെ തയ്യാറാക്കാം.
ആവശ്യമായ ചേരുവകള്‍
- ആട്ട – 2 കപ്പ്
- ഉപ്പ് – ½ – ¼ ടീസ്പൂണ്‍
- വെള്ളം – 1 കപ്പ് + 2 ടേബിള്‍ സ്പൂണ്‍
- റിഫൈന്‍ഡ് ഓയില്‍ – 1 ടേബിള്‍ സ്പൂണ്‍
- ആട്ട (ആദ്യമെടുത്തതു കൂടാതെ) – 2 ടേബിള്‍ സ്പൂണ്‍
തയ്യാറാക്കുന്ന വിധം
ഒരു പാത്രത്തില്‍ രണ്ട് കപ്പ് ഗോതമ്പ് മാവെടുക്കുക. അതിലേക്ക് ഉപ്പ് ചേര്‍ത്ത് ഒരു കപ്പ് വെള്ളം ആദ്യമേ തന്നെ മുഴുവനായും ഒഴിക്കുക. അതിന്റെ കൂടെ 1 ടേബിള്‍ സ്പൂണ്‍ റിഫൈന്‍ഡ് ഓയിലും ചേര്‍ത്ത് നന്നായി കുഴയ്ക്കണം. ഇതിന്റെ കൂടെ വീണ്ടും രണ്ട് ടേബിള്‍സ്പൂണ്‍ വെള്ളം കൂടി ചേര്‍ത്ത് നന്നായി കുഴയ്ക്കുക. ഒരു പതിനഞ്ചു മിനിറ്റ് നേരം അടച്ച് വയ്ക്കുക. ഈ കുഴച്ചു വച്ച മാവിലേക്ക് വീണ്ടും രണ്ട് ടേബിള്‍ സ്പൂണ്‍ ഗോതമ്പു മാവ് ചേര്‍ത്ത് കുഴയ്ക്കുക. ഇനി ചപ്പാത്തിപ്പലകയില്‍ കുറച്ച് ഗോതമ്പു പൊടി തൂകി ചപ്പാത്തി പരത്തിയെടുക്കാം. പാന്‍ ചൂടാകുമ്പോള്‍ നെയ് തടവിയ ശേഷം ചുട്ടെടുക്കാം.
